Բայց ի՞նչ ստորագրեմ, որ ի՞նչ, իրենց արած գործն ի՞նչ է, բան չհասկացա. Հրայր Թովմասյանի հայր

Իրավունք 18:27 17/10/2019 Հայաստան

Բայց ի՞նչ ստորագրեմ, որ ի՞նչ, իրենց արած գործն ի՞նչ է, բան չհասկացա. Հրայր Թովմասյանի հայր

Արարատ մարզի Դարակերտ գյուղում Սահմանադրական դատարանի նախագահ Հրայր Թովմասյանի հայրական տանը ԱԱԾ աշխատակիցները գործողություններ են կատարել:
Տանից դուրս գալուց հետո լրագրողները հետաքրքրվեցին, թե ճիշտն են մամուլի հրապարակումները, որ հետաքրքրվել եք՝ ի՞նչ միջոցներով և երբ է կառուցվել հայրական տան տանիքը, ԱԱԾ աշխատակիցն ասել է՝ ոչ:

Սակայն ԱԱԾ աշխատակիցների հեռանալուց հետո լրագրողների հետ զրույցում Հ. Թովմասյանի հայրը՝ Վարդան Թովմասյանն ասաց, որ հարցրել են, թե տանիքը երբ եք փոխվել, ոնց է կառուցվել, ինչ գումարով:

«Ասացի 12-13 տարի առաջ է տանիքը վերանորոգել, բարեկամ մարդ է վերանարոգել: Ասացին՝ ուզում ենք ստուգել տանիքը, ասացի՝ ստուգեք: Ասացին՝ կստորագրեք, որ եկել ենք ստուգելու, ասացի, որ չեմ ստորագրի, բայց բարձրացեք, նայեք, չափեք: Բայց ի՞նչ ստորագրեմ, որ ի՞նչ, իրենց արած գործն ի՞նչ է, բան չհասկացա»,- նշեց նա:

Նրա խոսքով, մինչև ԱԱԾ աշխատակիցների գալը իրեն չեն կանչել հարցաքննության:

«Բոլորդ էլ հասկանում եք, թե ինչն է պատճառը: Սա երևի առիթ էր, որ գային տեսնելու, թե ինչ դղյակներ կա, ինչ բաներ կա: Նրանց նպատակը դա է եղել: Երևի այդպես են նրանց ասել»,- ասաց Վ. Թովմասյանը:

Նա նշեց, որ որդու հետ չի խոսել:

«Երևի վաղը փաստաբանի հետ կգնամ, տեսնեմ՝ ինչ է, ստորագրեմ»,- նշեց նա:

Ավելի վաղ իրավապաշտպան Ռուբեն Մելիքյանը հայտնել էր, որ Սահմանադրական դատարանի նախագահ Հրայր Թովմասյանի 75-ամյա թոշակառու հայրը և երկու դուստրերը վաղը կանչվել են ԱԱԾ:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: