Ձեր վստահելի աղբյուրը

«Պայմանավորվածություն ձեռք բերեցինք, որ փուլ առ փուլ մեր հարցերին լուծում կտա։ Ոչ մերժում ենք ստացել, ոչ՝ դրական լուծում»,- վարչապետ Նիկոլ Փաշինյանի հետ հանդիպումից հետո լրագրողների հետ զրույցում ասաց «Զինվորի մայր» ՀԿ նախագահ Մարգարիտա Խաչատրյանը։

Նա նշեց, որ Փաշինյանը աշխատակազմի ղեկավարին ու իր օգնականին հանձնարարել է, որ իրենց հետ կապի դուրս գան. «Վարչապետը տանում էր դեպի հոգաբարձուների խորհուրդ, հիմնադրամ, և ես պատասխանեցի, որ այդ հիմնադրամի շահառուն մեր ժողովուրդն է, որ իրենց աշխատավարձից 1000 դրամ փոխանցում են կատարում, այն ոչ մի կապ չունի կառավարության բյուջեի հետ և 25 տոկոս աճի հետ»։

Մարգարիտա Խաչատրյանի խոսքով՝ հարցին դեռ վերջնական լուծում չկա. «Երբ մենք ներկայացրել էինք վարչապետին 6646 հոգու անունները, նրա կողմից ոչ բացասական, ոչ դրական արձագանք չստացանք, ասաց՝ հարցին կտանք լուծում, բայց ինչ տեսակետով կլինի լուծումը, իմ հանդիպման ժամանակ պարզ կլինի»։