Ձեր վստահելի աղբյուրը

Ներկա պահին սիրիական Ղամիշլի քաղաքը հանդարտ է, խաղաղ, բնակիչները հետևում են իրադարձություններին: «Գանձասարին»՝ քաղաքում տիրող իրավիճակի մասին պատմել է այնտեղ գտնվող թղթակիցը:

Նշվում է, որ թուրքական զինվորականների ներխուժումը Սիրիայի հյուսիսարևելյան շրջաններ լարված վիճակի մեջ է պահել Ռաս ուլ Այնի, Տերիքի, Ղամիշլիի և Հասիչեի հայությանը:

Ղամիշլիից  հայկական որոշ ընտանիքներ  ժամանակավոր տեղափոխվել են առավել ապահով շրջաններ՝ Հալեպ, Դամասկոս: Ղամիշլիի ազգային վարժարաններն արդեն մի քանի օր  փակ են: 

Նախատեսվում է առաջիկա երկուշաբթի վերսկսել դասերը: Քաղաքի շուկաները գրեթե չեն բացում, սակայն  հացով և  սննդամթերքով ապահովում են բնակիչներին: Աշխատավայրերը բացում են մինչև կեսօր:

Ղամիշլիի առաջնորդարանի դռները բաց են ժողովրդի առջև: Շրջանի հայ տղամարդկանց խմբերը հսկում են ազգային տարածքներն ու ժողովրդի անվտանգությանը: