Ձեր վստահելի աղբյուրը

Սահմանադրական դատարանի նախագահ Հրայր Թովմասյանի նկատմամբ տեղի է ունենում հատուկ հետապնդում` պայմանավորված իր պաշտոնական դիրքով, դատավորի լիազորություններով: ԱԱԾ-ի դիմաց լրագրողների հետ զրույցում ասաց փաստաբան Զարուհի Փոստանջյանը:

Հիշեցնենք, որ այօր ԱԱԾ են կանչվել  Հրայր Թովմասյանի հորն ու դուստրերը, շենքի դիամց են հավաքված իրավապաշտպաններ, փաստաբաններ:

«Այդ  հատուկ վերաբերմունքը մենք տեսանք մի քանի դրվագներով` մի օր կոչ էին անում դատարանները շրջափակել, մի օր նախագծով էին հանդես գալիս` կաշառել դատավորներին, որպեսզի իրենք իրենց լիազորություններից հրաժարվեին: Քանի որ այդ ձևերը չեն ունեցել ազդեցություն, անցել են ընտանքի անդամների նկատմամբ ճնշումներ բանեցնելուն, և այդ ճնշման բանեցումը տեսնում ենք այսօր այս հարցաքննությունների տեսքով, երբ ԱԱԾ են հրավիրում  Հրայր Թովմասյանի տարեց հիվանդ հորը և երեխաներին: Ի վերջո՝ ինչ կապ ունի ԱԱԾ-ն այս հետապնդումների հետ: Մենք նորից ականատես եղանք ԿԳԲ-ԱԱԾ բանաձևին. փաստորեն` ոչինչ չի փոխվել»,- ասաց նա:

Զ. Փոստանջյանի խոսքով, «Նիկոլի թվի բռնապետության օրոք» արձանագրում են, որ քաղաքական հաղորդում է  փակվում, պետական պաշտոնատար անձ հանդիսացող, դատավոր անձն իր կամակատարությունը չկատարելու համար ենթարկվում է  բռնաճնշումների  ընտանքի անդամների միջոցով:

«Մենք չպետք է սա այլևս տեսնեինք: Բոլորն օրենքի առջև  պետք է լինեն հավասար, իրավունքի գերակայության սկզբունքը պետք է հարգեն բոլորը, այդ թվում Նիկոլ Փաշինյանը՝  անկախ նրանից սիրում է այս անձին կամ չի սիրում, ժողովուրդն այս կամ այն անձի նկատմամբ ինչ վերաբերմունք ունի: Հին Ազգային ժողովն ընտրել է Գլխավոր դատախազին, նաև Հրայր Թովմասյանին: Հիմա նա լեգիտիմ է, մյուսը՝ ոչ: Եթե Նիկոլ Փաշինյանը Արթուր Դավթյանին ճանաչում է որպես լեգիտիմ, պարտավոր է նաև Հրայր Թովմասյանին էլ ճանաչել լեգիտիմ»,- ասաց Զ. Փոստանջյանը: