Ձեր վստահելի աղբյուրը

Հոլիվուդյան աստղ Լեոնարդո Դի Կապրիոն հայտնի «Տիտանիկ» ֆիլմում նկարահանվելուց առաջ կասկածել է, թե արդյոք արժի համաձայնվել հանդել գալ այդտեղ։ Իր ապրումները նա կիսվել է դերասան Փոլ Ռադի հետ, որը պնդել է, որ անհրաժեշտ է նկարահանվել այդ ֆիլմում։

360tv.ru-ի հաղորդմամբ, հին այդ պատմությունը Ռադը հիշել է Բի-Բի-Սի-ով հեռարձակվող The Graham Norton Show –ի ժամանակ։ Նա պատմել է որ 1996 թվականին Դի Կապրիոյի հետ հանդես էր գալիս «Ռոմեո և Ջուլիետ» ֆիլմում։ Ֆիլմի վրա աշխատանքի վերջին օրը ողջ նկարահանող խումբը գնացել էր սրճարան նշելու ֆիլմի ավարտը։

«Ես սրճարան գնացել Լեոյի հետ միասին, և նա ասաց. «Ես հենց նոր առաջարկություն եմ ստացել նկարահանվել «Տիտանիկ» անումով ֆիլմում»։ Ես ասացի, որ դա անհնարին է, որովհետև ես շատ բան գիտեի «Տիտանիկի» մասին»,- ասել է ամերիկացի դերասանը։

Նա նշել է, որ հայրը երկար տարիներ ուսումնասիրել է «Տիտանիկը», այդ հարցով փորձագետ է եղել և պատմել է մարդկանց նավի մասի։ Ռադի խոսքով, Դի Կապրիոն չէր հասկանում՝ արժե ընդունել կինոստուդիայի առաջարկը, թե ոչ։

«Ես հիշում եմ, թե ինչպես ասացի նրան. «Դու պետք է դա անես»»,- պատմել է նա։

Արդյունքում Լեոնարդո Դի Կապրիոն ֆիլմում գլխավոր դերում է հանդես եկել։ Ֆիլմը  էկրան է բարձրացել 1997 թվականին, համաշխարհային ճանաչում է ձեռք բերել, արժանացել 11 «Օսկարի» և  հայտնի դարձրե Դի Կապրիոյին։