Ձեր վստահելի աղբյուրը

Ադրբեջանում Եվրախորհրդի խորհրդարանական վեհաժողովի (ԵԽԽՎ) զեկուցողներն    անհանգստություն են հայտնել ոստիկանության կողմից Բաքվում չարտոնված բողոքի ակցիան ցրելու ուժի կիրառման մասով ՝  կոչ անելով  ազատ արձակել այս հանրահավաքում ձերբակալված բոլոր անձանց: Ըստ ՏԱՍՍ-ի, համապատասխան հայտարարությունը տարածվել է երկուշաբթի օրը:

«Մենք կոչ ենք անում իշխանություններին վերացնել սահմանափակումները խաղաղ ցույցերի  մասով, ազատ արձակել բոլոր ապօրինի ձերբակալվածներին և հետաքննել ենթադրյալ խոշտանգումների և վատ վերաբերմունքի դեպքերը», - ասված է Ստեֆան Շննաչի (Ավստրիա) և Ռոջեր Գեյլի (Մեծ Բրիտանիա) հայտարարության մեջ, որոնք ոստիկանության գործողությունները որակել  են «ավելորդ և անհամաչափ»:

Խորհրդարանականներն իրենց հայտարարությունում  նշել են,  որ փողոցային հանրահավաքից մեկ օր առաջ ձերբակալվել են «Համաժողովրդական ճակատ» կուսակցության առնվազն տասն անդամ և նրանց նկատմամբ կիրառվել է  60-օրյա վարչական կալանք:

Նրանք նաև առաջ  են քաշում  չհաստատված  տեղեկություններ , որոնք վերաբերում են  ցույցի  ընթացքում   հավաքվածներին  կալանավորելուն, մասնավորապես ՝ ԱՀՀ առաջնորդ Ալի Քարիմլին, և պնդում են, որ ձերբակալվածներից ոմանց գտնվելու վայրի վերաբերյալ դեռ տեղեկություններ չկան:

«Այս տխուր իրադարձությունները հարկ է դիտարկել հավաքների  ազատության իրավունքի խախտումների համատեքստում , քանի որ  սահմանափակումներ դնելը,  խոչընդոտում է կառավարության քննադատների և հակառակորդների գործունեությանը», - գրում են պատգամավորները:

Հոկտեմբերի 19-ին Բաքվում ոստիկանությունը  կասեցրել  է ընդդիմադիր «Ժողովրդավարական ուժերի ազգային խորհուրդ» (NSDS) ուժի  կողմից Ադրբեջանի մայրաքաղաքի կենտրոնում չարտոնված հավաք անցկացնելու փորձը, որի արդյունքում ձերբակալվել է 60 մարդ: