Ձեր վստահելի աղբյուրը

Իտալացի հանրահայտ նկարիչ Լեոնարդ դա Վինչիի 500-ամյակին նվիրված ցուցահանդեսում, որը բացվելու է Լուվրում, չի ներկայացվելու նրա ամենահայտնի կտավը՝ «Ջոկոնդան» կամ «Մոնա Լիզան»։ kulturomania.ru-ն, հղում անելով Artnet-ին, գրում է, որ ցուցահանդեսի այցելուները կարող են տեսնել նկարն իր սովորական վայրում, որ նույնպես գտնվում է Լուվրում։

Կազմակերիչները պատմել են, որ որոշել են «Մոնա Լիզան» չներառել ցուցադրությունում գործնական պատճառներով։ Դա Վինչիին նվիված ցուցահանդեսը բացվելու է Նապոլեոն դահլիճում, իսկ այդտեղ կարող է  7000 մարդ օրական այցելել, մինչդեռ «Մոնա Լիզան» դիտելու համար ամեն օր 30 հազար մարդ է այցելում թանգարան։

«Եթե մենք այդ սրահ տեղափոխեինք «Մոնա Լիզան», ուղղակի հնարավոր չէր լինի այցելել ցուցահանդես», -ասում են կազմակերպիչները։

Լեոնարդո Դա Վինչին կտավը ստեղծել է 1503-1505 թվականներին։ Համարվում է, որ նկարում Լիզա Գերադինան է՝ Ֆլորենցիայից մետաքսի առևտրական Ֆրանչեսկո դել Ջոկոնդոյի կինը։