Լավրովը գալիս է Երևան. կստորագրվի փաստաթուղթ՝ ռուսների մուտքը ԱՄՆ ֆինանսավորմամբ ստեղծված լաբորատորիաներ երաշխավորելու համար

Քաղաքական 13:46 25/10/2019 Հայաստան

Լավրովը գալիս է Երևան. կստորագրվի փաստաթուղթ՝ ռուսների մուտքը ԱՄՆ ֆինանսավորմամբ ստեղծված լաբորատորիաներ երաշխավորելու համար

ՌԴ արտգործնախարար Սերգեյ Լավրովը կայցելի Երևան, որի շրջանակներում կստորագրվի մի փաստաթուղթ, որը երաշխավորում է Ռուսաստանի Դաշնության մասնագետների մուտքը, այդ թվում զինվորականների, Պենտագոնի փողերով Հայաստանում ստեղծված կենսաբանական լաբորատորիա: Այս մասին գրում է «Կոմերսանտ»-ը։

Նշվում է, որ Ռուսաստանը բազմիցս քննադատել է Միացյալ Նահանգներին՝ Ռուսաստանի սահմաններում «ռազմական կենսաբժշկական գործունեության» համար և խոստացել է ապահովել, որ հարևան երկրներում գործող լաբորատորիաների գործունեությունն իր համար դառնա բաց:

Ռուսական և հայկական կողմերի բանակցային գործընթացին ծանոթ «Կոմերսանտ»-ի աղբյուրները պատմել են հուշագրի վրա աշխատանքի ավարտի մասին, որը երաշխավորում է ռուս մասնագետների մուտքը ՀՀ կենսաբանական լաբորատորիաներ: Ըստ նրանց, փաստաթուղթը նախատեսվում է ստորագրել նոյեմբերի 10-11-ին՝ Լավրովի Երևան այցի ընթացքում:

Մեկ այլ աղբյուր հաստատել է, որ փաստաթղթի տեքստը պատրաստ է և անցնում է միջգերատեսչական համաձայնեցում: Նա բացատրել է, որ հուշագիրը նախատեսում է երկու երկրների միջև համագործակցություն կենսաբժշկական ոլորտում: Բիոլաբորատորիաներ կկարողանան այցելել Ռուսաստանի առողջապահության և պաշտպանության նախարարությունների մասնագետները:

Նշվում է, որ ԱՄՆ փողերով արդիականացված լաբորատորիաները, որոնք իրականացնում են կենսաբանական հետազոտություններ, ուսումնասիրում են վիրուսներն ու շտամները, գործում են Ուկրաինայում, Վրաստանում, Հայաստանում և Ղազախստանում:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: