«Վերելք» միջազգային սիմպոզիումն ու գիտաժողովը Գյումրի կբերի հետաքրքիր արվեստաբանների ու հայտնի մարդկանց
Դեկտեմբերի 15-23 Գյումրում կայանալու է Քանդակագործության «Վերելք -2» միջազգային երիտասարդական սիմպոզիումը և գիտաժողովը: Panorama.am-ի հետ զրույցում կազմակերպիչը՝ Գյումրու ՄԷԿ ՀԿ նախագահ Արթուր Գևորգյանն ասաց, որ սա իրենց չորրորդ միջազգային սիմպոզիումն է, նախորդը և այս տարվանը զուգորդվում է նաև գիտաժողովով:
«Հավաքվում են արվեստաբաններ, մշակութաբաններ, թանգարանային գիտաշխատողներ, քննարկվում է հետխորհրդային ժամանակահատվածում քաղաքաշինական գծի փոփոխությունը»,- նշեց նա:
Ա. Գևորգյանը տեղեկացրեց, որ հրավիրել են 8 երկրների 40 մասնակիցների, որոնցից 16-ը քանդակագործ են, 24-ը արվեստաբան, տեղացի մասնակիցների հետ ընդհանուր սիմպոզիումին և գիտաժողովին ներկա է լինելու 30 քանդակագործ, գիտաժողովի 60 մասնակից:
«Հայաստանից մասնակիցների հայտերի ազատ տեղեր ունենք, իսկ օտարերկրյա բոլոր հայտերը լրացված են, մի բան էլ ավելի: Ամեն երկրից 5 մասնակից է նախատեսված, Մոլդովայից և Ղազախստանից ունենք 10-12 հայտ: Մեր դիմումից հետո հայտեր չունենք Թուքմենստանից, քանի որ իրենց մասնակցի երաշխավորման գործընթացն իրենց մոտ բարդ տեխնիկական խնդիր է: Բայց, կարծում եմ, հաջորդ անգամ մենք կրկին կհրավիրենք թուրքմեն արվեստաբանների, մշակութաբանների»,- նշեց կազմակերպիչը:
Ա. Գևորգյանը մանրամասնեց, որ իրենք հրավիրում են տվյալ երկրին, որտեղից բարձրագույն ուսումնական հաստատությունը, թանգարանը կամ նախարարությունը ներկայացնում են իրենց թեկնածուներին, իրենք էլ ընտրում են հայաստանյան գիտաժողովի մասնակիցներին: Նա նշեց, որ սիմպոզիումն իրականացվելու է արվեստանոցային պայմաններում 8 օր, մասնակիցներն անելու են հաստոցային քանդակներ: Արթուր Գևորգյանն ասաց, որ նախորդ սիմպոզիումների արդյունքում իրենք արդեն Գյումրիում ունեն քանդակագործական աշխատանքների երկու պուրակ, մոտ 15 քանդակ զարդարում են Գյումրու վարչական շենքերի ինտերիերները:
«Այս սիմպոզիումների, գիտաժողովների արդյունքում ամրանում է հետխորհրդային երկրների հետ մշակութային կապը, մասնագիտական խնդիրներ են բարձրացվում, քննարկվում դրանց լուծման տարբերակները, նախադրյալ է ստեղծվում ավելի մեծ ու գլոբալ միջոցառման իրականացման համար, որի ընթացքում նախատեսվում է ընդունել հուշագիր, բարեկամանում են մարդկանց հետ, փոխադարձ այցերի նախադեպ է ստեղծվում: Մեր բուհական սեկտորի երիտասարդ գիտնականները հնարավորություն են ստանում իրականացնել իրենց աշխատանքները, գտնել համագործակցության եզրեր ու հասարակության մեջ ավելի ամուր ոտքերի վրա կանգնել»,- նշեց Գյումրու ՄԷԿ ՀԿ նախագահը:
Նա նշեց, որ սպասում են հետաքրքիր հյուրերի, արվեստաբանների, հայտնի մարդկանց, մոտավորապես 5 բուհի՝ Գեղարվեստի ակադեմիաների ներկայացուցիչների այցելության:
«Պատրաստվում ենք այդ ամենը փառքով ու սիրուն իրականացնելուն»,- ասաց Արթուր Գևորգյանը:
Լրահոս
Տեսանյութեր
Կլինի այնպիսի մի շաբաթ, երբ որ այդ լուրը գուցեև ճիշտ լինի. Ավանեսյանը՝ ՔՊ-ի թիրախում լինելու մասին
