Ձեր վստահելի աղբյուրը

Չիլիի նախագահ Սեբաստիան Պինյերան աշխատանքից հեռացրել է ողջ կառավարությանը՝ նոր կառավարություն կազմելու ու փողոցներ դուրս եկած մարդկանց պահանջները բավարարելու համար սոցիալական բարեփոխումներ իրականացնելու համար։ Սակայն դեռևս պարզ չէ, թե ինչպես է կատարվելու կառավարության վերափոխումը։ Այս մասին գրում է BBC-ն։

Հոկտեմբերի 25-ին մայրաքաղաք Սանտյագոյում ավելի քան մեկ միլիոն մարդ էր դուրս եկել խաղաղ հավաքի՝ սոցիալական արդարության կոչերով։

Պինյերան հայտարարել է, որ ցուցարարների պահանջները լսելի են և իրենք այժմ նոր իրականության մեջ են։

«Այսօրվա Չիլին տարբերվում է մեկ շաբաթ առաջվա Չիլից»,-ասել է նախագահը։

Նախագահը նաև հայտարարել է, որ մեկ շաբաթ առաջ Չիլիի քաղաքներում ներկայացված պարետային ժամը հանվել է: Ընդդիմությունը կոչ է արել նաև դադարեցնել շարունակվող արտակարգ դրությունը:

Մոտ մեկ շաբաթ առաջ սկսված անհավասարության դեմ բողոքի ցույցերի արդյունքում առնվազն 17 մարդ է զոհվել, հարյուրավորները վիրավորվել են: Հոկտեմբերի 25-ի երթն  ավարտվել էր ակտիվիստների և ոստիկանության միջև բռնի բախումներով։ Ձերբակալվել է ավելի քան 7000 մարդ:

Հիշեցնենք, որ Չիլիում մարդիկ դուրս եկան բողոքի ակցիաների՝ երկրում մետրոյի ուղեվարձի բարձրացման պատճառով, ինչն այժմ կանգնեցված է։ Բողոքի ակցիաները գնալով ավելի լայն զանգվածների ներառեցին, որոնք դժգոհ են սոցիալական անարդարությունից ու կենսապահովման ծախսերից։