Ձեր վստահելի աղբյուրը

Քաղաքացիական ավիացիայի կոմիտեի նախագահ Տաթևիկ Ռևազյանը  Ազատություն ռադիակայանի ֆեյսբուքյան ասուլիսի ընթացքում պատասխանել է  քաղաքացիների հարցերին, մասնավորապես՝ արդյո՞ք չթռչողը վճարելու է թռչողի համար, ինչո՞ւ պետք է պետությունը վճարի ընկերությանը՝ էժան ավիատոմսերի համար: Ռևազյանը պարզաբանել է Ryanair-ի շուրջ ծավալված քննարկումները, նշելով. «Փետրվար ամսից բանակցել ենք  Ryanair ընկերության ներկայացուցիչների հետ: Իրականում լավ պայմաններ են: Մենք նոր ուղղությունների համար օդի տուրքը հանում ենք, դա բոլորի համար է, ոչ միայն Ryanair-ի: Այսինքն ՝ չթռչողը թռչողի համար չի վճարում, այս անհանգստությունը չկա»: 

Ավիատոմսերի,  այսպես ասած, մատչելի գներից խոսելիս Ռևազյանը հստակեցրեց , որ և էժան,  և թանկ տոմսեր կլինեն՝ կախված ծառայություններից. «35, 50, թե 100 եվրո լինի, քաղաքացին  վճարվում է բուն ավիատոմսի համար: Եթե մենք ուզում ենք  ավելացնել սնունդ, ուղեբեռ և այլն, ապա այլ ծառայությունների համար էլ հավելյալ վճար  է նախատեսված:  Ուղևորն է ընտրում ցանկանում է օգտվել այդ ծառայություններից,թե ՝ ոչ:  Ryanair-ը  շատ փոքր ճամպրուկ է  թույլ տալիս ,եթե փորձեն շրջանցել պահանջը, ապա կստիպեն հավելյալ վճարել: Ընկերության ներկայացուցիչը ասաց, որ 35 եվրո միջին գինն է, դա չի նշանակում , որ թանկ տոմս չի լինելու»:

Քաղաքացիների ստվար զանգվածին հետաքրքրում էր,թե երբվանի՞ց եք սկսելու մտածել հայկական ավիացիայի մասին:

«Ես ուզում եմ, որ մենք ունենանք տեղական ավիաընկերություն, բայց դա ճիշտ պայմաններում ստեղծվի, այսինքն ՝պարտքեր չկուտակվեն: Բայց դա մեր իրավունքը չի: Մեր բուն գործառույթը ազգային փոխադրող ստեղծելը չի: Եթե ավիաընկերությունը գրանցված է Հայաստանում, ապա դա է  մեր սպասարկման ներքո է»,-ասաց Ռևազյանը: