Ձեր վստահելի աղբյուրը

«Ողջունում եմ պարոն Բուքիքիոյի հայտարարությունը, կառավարությունում ի գիտություն ենք ընդունել իր դիտարկումները։ Ես էլ եմ կարծում, որ, ի վերջո, ճգնաժամը պետք է հանգուցալուծում ունենա Սահմանադրական դատարանի շուրջ ստեղծված իրավիճակով», - Ազգային ժողովում լրագրողների հետ զրույցում ասաց Արդարադատության նախարար Ռուստամ Բադասյանը։

Նա նշեց, որ փոխադարձ հարգանքի անհրաժեշտություն միշտ է տեսնում, սակայն Սահմանադրական դատարանի շուրջ ստեղծված իրավիճակը փոխադարձ հարգանքի խնդիր չէ, այլ՝ ՍԴ նախագահի կասկածելի ընտրության, կասկածելի հանգամանքների բերումով որպես նախագահ ընտրվելու արդյունք է, որը չի ծագել այսօր, այլ ծագել է հենց այն ժամանակ, երբ ինքն ընտրվել է այդ պաշտոնում», - նշեց Ռուստամ Բադասյանը։

Բադասյանի խոսքով, առհասարակ, ՍԴ-ում ճգնաժամը մինչև վերջ կլուծվի, երբ բարեփոխումներ կլինեն։

Լրագրող հարցին, թե եթե Հրայր Թովմասյանը հրաժարական տա,  ճգնաժամը կլուծվի՞,  նա պատասխանեց. «Այս փուլում, կարծում եմ, վաղ կենսաթոշակի ներդրումից հետո կտեսնենք, թե քանի դատավոր է ուզում հրաժարական դա այդ սխեմայի շրջանակում, ու ես մեծապես կարևորոոմ եմ ՍԴ-ի կազմի թարմացումը»։

Մեկ այլ հարցին, թե ու՞մ էր ուղղված Բուքիքիոյի հայտարարությունը, նախարարը պատասխանեց. «Հայտարարությունն ուղղված էր բոլոր սահմանադրական մարմիններին»։