Ձեր վստահելի աղբյուրը

ԱԺ Մարդու իրավունքների պաշտպանության և հանրային հարցերի մշտական հանձնաժողովում նիստ էր հրավիրված` քննարկելու տարբեր տարիներին խաղաղ պայմաններում զոհված զինծառայողների մայրերի պահանջները՝ բացահայտվեն իրենց որդիների մահվան հանգամանքները:

Ներկա էին զոհված զինվորիների գործերով զբաղվող քննիչներ, հանձնաժողովի անդամներ: Ծնողները մեղադրում էին քննիչներին, որ իրենց զավակների գործերի բացահայտման ուղղությամբ որևէ բան չի արվում, կոծկում են: Զայրացած ծնողներից մեկը քննիչներից մեկի վրա բաժակով ջուր շփեց՝ բղավելով «տականք», «ստախոս»:

«Դուք բոլորդ հանցագործներ եք, պատասխան եք տալու ձեր արածների համար»,- գոռում էր մեկ այլ ծնող:

Ն. Զոհրաբյանը փորձում էր հանդարտեցնել ծնողներին: Դրանից  հետո նիստն ընդհատվեց:

Հանձնաժողովի նախագահն ասաց, ժամանակ է պետք հասկանալու համար, թե ինչ  ֆորմատով արդյունավետ կլինի քննարկում կազմակերպել: