Ձեր վստահելի աղբյուրը

Սթիվ Լազարիդեսի սոցիալական կայքերում հայտնվել են սթրիթ-արտի բրիտանացի հայտնի նկարիչ Բենքսիի լուսանկարները՝ աշխատանքի պահին: Գազետա.ռու կայքը, հղում անելով CNN-ին, գրում է, որ բոլոր նկարներում Բեքսին մեջքով է, նրա դեմքը չի երևում:

Լազարիդեսը ծանոթացել է նկարչի հետ 1997 թվականին, այնուհետև 11 տարի եղել է նրա գործակալը: Լուսանկարների հրապարակումը  նվիրված է դեկտեմբերի նրա՝ «Banksy Captured» գրքի հրապարակման հետ: Գրքում լինելու է Բենքսիի և նրա աշխատանքների շուրջ 500 նկար:

Նշենք, որ Բենքսին  թաքցնում է իր ինքնությունն ու իրական անունը:  Նրա կենսագրության վերաբերյալ բազմաթիվ վեճեր են գնում։ Վարկածները հիմնված են փողոցային տեսախցիկներից ստացված տեսագրությունների վրա։ Համաձայն այդ վարկածների՝ նա ծնվել է Միացյալ Թագավորությունում Ստրոուկի շրջակայքում 1974 թ. և նրա իրական անունը՝ Ռոբերտ, կամ Ռոբին Բենկս, կամ Ռոբին Գանինգհեմ է։

Նա հաճախ նկարում է մարդաշատ վայրերում՝ շենքերի, կայարանների պատերին։ Նրա նկարները հաճախ ունեն քաղաքական նրբերանգ, պատերազմի կամ այլ արդիական թեմաների և իրադարձությունների մասին են։ Նրա երգիծական փողոցային արվեստը և միտքը բորբոքող նկարները համատեղում են սև հումորն ու գրաֆիտին։