Ձեր վստահելի աղբյուրը

Մեկ գիշերվա մեջ 3 ցուցարարներ սպանվել են Իրաքի Քերբելա քաղաքում՝ Իրանի հյուպատոսության շենքի վրա հարձակման արդյունքում։ Այս մասին AFP-ին ասել է երկրի դատաբժշկական դեպարտամենտի ղեկավարը: 

Նշվում է, որ ցուցարարները հաղորդել են, որ կիրակի ուշ երեկոյան Իրանի դեսպանության շենքը շրջապատող բետոնե պատնեշները քանդել են, կախել Իրաքի դրոշները և ներկով գրել «Քերբելան ազատված է, Իրան՝ դուրս»: Ցուցարարների զայրույթը, ինչպես հաղորդվում է,  ուղղված է  Իրաքի քաղաքականությանը Թեհրանի միջամտության դեմ:

Անվտանգության ուժերը օդ են կրակել՝ ամբոխը ցրելու համար, որոնք քարեր են նետել և անվադողեր այրել շենքի շուրջը։ Երբ բազմությունը մեծաել է, սկսել են ցուցարարների նկատմամբ կիրառել հրազեն և արցունքաբեր գազ։

Հոկտեմբեր 1-ից Իրաքում հակակառավարական ցույցերի սկսվելուց ի վեր ավելի քան 250 մարդ է սպանվել։ Պաշտոնյաները դադարել են զոհերի թիվը տրամադրել:

Իրաքում համաժողովրդական բողոքի ցույցերը վերադարձել են նոր զայրույթով ՝ պահանջելով «արմատական և իրական փոփոխություն» Իրաքի առաջնորդներից: Մարդկանց զայրույթը կապված է երկրում բարձր կոռուպցիայի, գործազրկության հետ։ Իրաքի մայրաքաղաք Բաղդադում պարետային ժամ է հաստատված։ Նախօրեին հարյուրավոր ցուցարարներ դիմակայել են գիշերային պարետային ժամին Բաղդադում: Զինվորականները պահանջել են, որ ցուցարարները դուրս գան Թահրիրի հրապարակից մինչև կեսգիշեր: Անվտանգության ուժերի կողմից Կարբալայում նստացույցը ցրելու ժամանակ առնվազն 20 մարդ է զոհվել:

Այս ամիս Բաղդատում ու միր քանի այլ քաղաքներում բողոքի ցույցերի արդյունքում սպանվել է մոտ 200 մարդ, վիրավորվել են հարյուրավոր մարդիկ։

Այս բողոքի ակցիաները կրկին փոթորկում են Իրաքը՝ 2 տարի համեմատաբար հանգստից հետո։
Նշենք, որ Իրաքում համաժողովրդական բողոքի  ցույցերը սկսվեցին՝  պահանջելով «արմատական և իրական փոփոխություն» Իրաքի առաջնորդներից: Մարդկանց զայրույթը կապված է երկրում բարձր կոռուպցիայի, գործազրկության հետ։