Ձեր վստահելի աղբյուրը

ՀՀ ԿԳՄՍ նախարար Արայիկ Հարությունյանն այսօր լրագրողների հետ զրույցում անդրադարձել է իր հրաժարականի մասին լուրերին:  Խոսքը  համացանցում սկսված ստորագրահավաքի մասին է,որով նախաձեռնության հեղինակները վարչապետ Նիկոլ Փաշինյանից պահանջում են պաշտոնանանկ անել նախարարին։ Ինքը՝ Հարությունյանը, այսպես արձագանքեց.

«Դրամաշնորհային ծրագիր է եղել: Արդյունքների մասին կխոսենք այն ժամանակ ,երբ նրանք  կարգի և պայմանագրի համաձայն կներկայացնեն ֆինանսական և բովանդակային արդյունքները:  Նորմալ պրոցես է տեղի ունենում Հայաստանում, ցանկացած գործընթացի հետ կապված մի խումբը կարող է գոհ լինել, մյուս խումբը՝ դժգոհ։ Վստահ եմ, որ այն գործընթացները, որոնք տեղի են ունենում, վերջնաժամկետ կտրվածքով, այդ քաղաքականությունից դժգոհների մոտ հակառակ զգացումները կառաջանան։ Այն քաղաքականությունը, որը վարում է նախարարությունը, արդյունավետ է, և օգնելու է միմիայն մեր կրթությանը և մշակույթին»։

Արայիկ Հարությունյանի հնարավոր հրաժարականի մասին լուրերին անդրադարձել է նաև ԱԺ փոխնախագահ Ալեն Սիմոնյանը ՝ «Իմ քայլը» խմբակցության նիստից հետո:

«Ինչո՞ւ պետք է Արայիկ Հարությունյանը պաշտոնից ազատվի: Հասարակությունն ո՞վ է, եթե ինչ-որ մարդիկ պետքա որոշեն որ ներկայացումն  է լավը, որը վատը, իրա պատճառով ինչ-որ բաներ  պահանջե՞ն: Ես կարծում եմ, այսպես որևիցե բանի չենք հասնի: Մեկին կլկլոցն է դուր գալիս, կլկլոց երգող  երգչի հետ նկարվում, գրում  է  «իմ ախպերս» , չի համարում դա թուրքական, արաբական, չի  ամաչում դնում է իր պատին, դա նորմալ ա՞ , հա:  Թող վերջացնեն, քանի որ այդ ամենը հաջողություն չի ունենալու»,-արձագանքել է ԱԺ փոխնախագահը: