Ձեր վստահելի աղբյուրը

ՀՀ երկրորդ նախագահ Ռոբերտ Քոչարյանի աջակիցները «Հաղթանակ» խորագիրը կրող շարժումով այսօր Սյունիքի մարզի Գորիս քաղաքում ստորագրահավաք է  կազմակերպել`  ի աջակցություն Ռոբերտ Քոչարյանի:

Ռ. Քոչարյանի աջակիցներից Գագիկ Բաղդասարյանը հայտնեց, որ շարժման անդամները այցելություններ են  կատարում հանրապետության տարածքով և քաղաքացիներին իրազելում Երևանում տեղի ունեցող իրադարձություններին։

««Միացիր» կարգախոսով շարժման նպատակը մեկն է՝ միասնություն բերել մեր հայրենիքին ու հայրենակիցներին։ Մենք եկել ենք, որ ձեզ տեղեկացնենք այն իրավական և քաղաքական բեսպրեդելներին, որոնք տեղի են ունենում մայրաքաղաքում: Հուսով եմ՝ այն մարդիկ, ովքեր ցանկություն ունեն Հայաստանի Հանրապետությունը տեսնել օրենքի և արդարության հայրենիք, կգան և մեզ կլսեն: Մենք մի թշնամի ունենք մեր երկրում, դա թուրքն է, բայց ցավոք, Հայաստանում գործում են օտար երկրների մեղմ ասած գործակալներ` մասնավորապես «Սորոսի» գրասենյակը, ովքեր փորձում են մեր երկրում քաոս ստեղծել և երկիրը տանել առճակատման: «Բաժանի, որ տիրես» սկզբունքը լավ բանի չի հասցնի մեր երկիրը»,- ասաց նա։

Հիշեցնենք, որ  հոկտեմբերի 26-ից՝ ի աջակցություն Ռոբերտ Քոչարյանի մեկնարկել է «Հաղթանակ» շարժման նախաձեռնած համահայաստանյան ստորագրահավաքը Հայաստանի մարզերում, իսկ նոյեմբերի 4-ից՝ Արցախում է սկսվել ստորագրահավաք։ Զուգահեռ ընթանում է նաև առցանց ստորագրահավաք։