Ձեր վստահելի աղբյուրը

«Նման խնդիրների մասին ինչքան քիչ խոսեն, այնքան լավ»,- այս մասին խորհրդարանում լրագրողների հետ զրույցում ասաց «Իմ քայլը» խմբակցության պատգամավոր Հայկ Սարգսյանը՝ պատասխանելով հարցին, թե ինչպես է վերաբերում ԲՀԿ-ական պատգամավոր Գևորգ Պետրոսյանի նախագծին՝ նույնասեռականներին հետ կապված։

«Ամեն անգամ նման հարցեր բարձրացնելով, այն ավելի մեծ նշանակություն ու կարևորություն է ստանում, ինչին ինքս դեմ եմ։ Գևորգ Պետրոսյանը օրենքի նախագիծ է բերել, որով ցանկանում է արգելել միասեռականների կողմից երեխա որդեգրելը, սակայն Հայաստանի պատմության մեջ չի եղել դեպք, երբ միասեռականները երեխա որդեգրեն: Այսինքն՝ նա նախագիծ է բերել գոյություն չունեցող խնդրի մասին և անընդհատ շահարկում է»,- ասաց պատգամավորը։

Լրագրողի դիտարկմանը, թե «Իմ քայլ»-ում նրա ելույթը խժդժությունների առարկա դարձավ, Հայկ Սարգսյանն արձագանքեց. «Չէ, ոչ մի խժդժության հարց չկա»։