Ձեր վստահելի աղբյուրը

«ԱԺՄ կուսակցությունը նորից վերականգնելու եմ: Նախատեսում եմ գարնանը համագումար անել վերակառուցված ԱԺՄ-ով: Դա կնշանակի, որ մտել եմ քաղաքական դաշտ»,- լրագրողների հետ զրույցում ասաց ասաց ԱԺՄ կուսակցության նախագահ, «Վերնատուն» հասարակական–քաղաքական ակումբի հիմնադիր Վազգեն Մանուկյանը:

Հարցին, թե հայտարարություներ են հնչում, որ հանդիպում եք նախկին  իշխանությունների ներկայացուցիչների հետ, նա  պատասխանեց. «Հանդիպում  ունեցել եմ միշտ և հանդիպում ունենալու եմ միշտ: Մենք միասին անցել ենք պատերազմ: Ռոբերտ Քոչարյանը, երբ կարճ ժամանակով դուրս եկավ, մենք էլի հանդիպեցինք, խոսեցինք: Հանդիպում եմ բոլորին: 
Ես Նիկոլ Փաշինյանին էլ կհանդիպեմ, եթե ինքն ուզի: Մեջներիցդ հանեք, որ կա չար դաշտ ու վախենաք այդ դաշտին մոտենալ: Բոլոր մարդկանց մեջ կա սպիտակ և սև, բոլոր այդ մարդիկ արել են հերոսություններ և բազմաթիվ սխալներ»:

Հարցին, թե աջակցություն ունե՞ք Սուրբ Աթոռում ՀՀ նախկին դեսպան Միքայել Մինասյանի կողմից, Վ. Մանուկյանը պատասխանեց. «Ես իրեն քանի տարի է ոչ հանդիպել եմ, ոչ հեռախոսով խոսել եմ։ Հետևում եմ իր ասածներին ֆեյսբուքում կամ մամուլում, ոչ ավելին», - ասաց Վ. Մանուկյանը: