Ձեր վստահելի աղբյուրը

Այս տարվա ամռանը Եվրամիությունում ԱՄՆ դեսպան Գորդոն Սոնդլանդի բջջային հեռախոսազրույցը նախագահ Դոնալդ Թրամփի հետ, տեղի ունեցած Ուկրաինայի ռեստորաններից մեկում,  անվտանգության ցնցող խախտում է, որը հարուցում է հակահետախուզության էական մտահոգություններ՝ մի երկրում, որտեղ գործում են արտասահմանյան բազմաթիվ երկրների հետախուզական գործակալությունները, այդ թվում ՝ Ռուսաստանի: Այս մասին CNN- ին ասել է ԱՄՆ Կենտրոնական հետախուզական վարչության նախկին աշխատակից Մարկ Պոլիմերոպուլոսը։

«Եթե ճշմարիտ է, դեսպան Սոնդլանդի և նախագահ Թրամփի միջև բջջային հեռախոսազանգը, ապա այն հակահետախուզության գործելակերպի ահռելի խախտում է, որի մասին ազգային անվտանգության բոլոր պաշտոնյաները` ներառյալ քաղաքական նշանակված դեսպանները, ինչպիսն է Սոնդլանդը, բազմիցս տեղեկացված են», - ասել է ԿՀՎ նախկին սպա Պոլիմերոպուլոսը, որը նախկինում վերահսկել է Եվրոպայում և Ռուսաստանում գործողությունները, մինչ այս ամառ պաշտոնաթող լինելը:

«Ես իմ կարիերայում չեմ կարող հիշել մի դեպք, երբ Կիևի նման հակահետախուզական միջավայրում գտնվող դեսպանը նման անապահով զրույց ունենար գործող նախագահի հետ: Դա պարզապես չպետք է պատահեր», - ասել է  Պոլիմերոպուլոսը:

Նշվում է, որ 2 օր առաջ Ուկրաինայում ԱՄՆ բարձրաստիճան դիվանագետ Բիլ Թեյլորը Թրամփի իմպիչմենտի լսումներում ասել է, որ իր աշխատակազմի անդամը, որն ուղեկցում էր Սոնդլանդին Կիևի հանդիպումներում, տեսել է, որ դեսպանը զանգահարում է Թրամփին իր բջջային հեռախոսից և հարցնում նրան «հետաքննությունների» մասին, որը կապված էր Ջո Բայդենի որդու՝ Հանթեր Բայդենի ուկրաինական Բուրիսմա ընկերության հետ։