Ձեր վստահելի աղբյուրը

«Խորհրդարանի պիկետն անօրինական է, սակայն, այդ անօրինականության համար պատասխանատու են պատգամավորները, որոնք չաջակցեցին խորհրդարանական ընտրություններում ամբողջական համամասնական ընտրակարգին անցում կատարելու սահմանադրական փոփոխությանը»,-այս մասին ֆեյսբուքում գրել է Վրաստանի հանրային պաշտպան Նինո Լոմջարիան:

Պաշտպանը կարծում է, որ քաղաքական ճգնաժամը ստեղծվում է հենց մեծամասնական ընտրակարգը, որի հաստատումն է անկախ Վրաստանի քաղաքական պատմությունը:

«Եթե մեծամասնական ընտրվածներին իսկապես մտահոգում է ինքնակառավարման խնդիրները, ապա անհրաժեշտ էիրականացնել ապակենտրոնացման բարեփոխումներ: Դա համար են նրանք խորհրդարանում, որ իրականացնեն քաղաքական բարեփոխումներ, այլ ոչ թե ճանապարհներ վերանորոգելու, խողովակներ փոխելու կամ դպրոցներ վերանորոգելու համար», - գրել է  Լոմջարիան:

Ինչպես գրում է «Грузия Online»-ը, նոյեմբերի 14-ին Վրաստանի խորհրդարանը տապալեց սահմանադրական փոփոխությունների քվեարկությունը, որոնք ենթադրում էին, որ 2020թ.-ին խորհրդարանական ընտրությունները պետք է անցկացվեին համամասնական ընտրակարգով՝ զրոյական ընտրական շեմով: Նախաձեռնությունը շարունակելու համար անհրաժեշտ էր, որ 150 պատգամավորներից 113-ը կողմ քվեարկեր, սակայն աջակցել էր միայն  101 պատգամավոր: Իշխող «Վրացական երազանք» կուսակցության 3 պատգամավորներ դեմ էին քվեարկել, ձեռնպահ էր եղել 39-ը:

Նշվում է, որ կարևոր էր այն, որ սահմանադրական բարեփոխումները «Վրացական երազանքը» և նրա առաջնորդ Բիձինա Իվանիշվիլին անձամբ էին խոստացել  հունիսի 24-ին ՝ տեղի տալով ընդդիմության պահանջներին և բողոքի ակցիաներին:

Այն բանից հետո, երբ իշխող կուսակցությունը չկատարեց խոստումը, Թբիլիսիի կենտրոնում գտնվող խորհրդարանի շենքի դիմաց սկսվեց մշտական բողոքի ցույց: Ընդդիմությունն ու քաղաքացիական ակտիվիստները երեք պահանջ են ներկայացրել իշխանություններին՝ ժամանակավոր, տեխնիկական կառավարության ձևավորում, համամասնականով ընտրակարգով արտահերթ խորհրդարանական ընտրությունների անցկացում, Կենտրոնական ընտրական հանձնաժողովի վերակազմակերպում:

Նոյեմբերի 17-ին ընդդիմության զանգվածային հանրահավաքում հայտարարվեց խորհրդարանի պիկետավորման սկիզբը, արգելափակվեց օրենսդիր մարմնի շենքի բոլոր երեք մուտքերը: Բողոքի ակցիայի մասնակիցները ասում են, որ նրանք թույլ չեն տա պատգամավորներին ներս մտնել՝ մինչև իրենց պահանջները չբավարարվեն: