Ձեր վստահելի աղբյուրը

Խորհրդարանն առաջին ընթերցմամբ քննարկում է «Դեղերի մասին» ՀՀ օրենքում լրացում և փոփոխություն կատարելու մասին օրենքի նախագիծը: Հիմնական զեկուցող առողջապահության նախարարի տեղակալ Անահիտ Ավանեսյանը հայտնեց, որ նախատեսում են երեք փոփոխություն իրականացնել։

«Առաջինը վերաբերում է դեղերի մեծածախ առևտրով զբաղվող տնտեսվարողների համար լիցենզավորման պարտավորության ժամկետին։ Երկրորդը՝ պատշաճ բաշխման գործունեության հավաստագիր ստանալու ժամկետի փոփոխությանը, նախագծով նախատեվում է այն ևս մեկ տարի հետաձգել, որպեսզի լիցենզավորման գործընթացն անցնելուց հետո տնտեսավարողները ևս մեկ տարի ժամանակ ունենան պատրաստվելու սույն պատշաճ բաշխման հավաստագրով նախատեսված փոփոխություններն իրականացնել ու անցնցում անցում կկատարեն»,- ասաց փոխնախարարը։

Երրորդ փոփոխությունը, նրա խոսքով,  նախատեսում է առողջապահական պետական, նպատակային ծրագրի շրջանակներում բնակչության համար ձեռք բերված, դեղատոմսով բաց թողնվող դեղերի մասին զանգվածային լրատվամիջոցներում հանրային իրազեկում իրականացնելու կարգավորումներին։