Ձեր վստահելի աղբյուրը

Իրենց հոր սպանության մեջ մեղադրվող Խաչատուրյան քույրերի պաշտպանները միջնորդություն են ներկայացրել դատավարությունն անցկացնել երդվյալ ատենակալների մասնակցությամբ։ Լենտա.ռու-ի հաղորդմամբ, այդ մասին փաստաբան Ալեքսեյ Լիպցերն ասել է «Կոմերսանտին»։

Նրա խոսքով, ՌԴ քննչական կոմիտեն ավարտել է նախնական քննությունը։ Այս միջնորդությունն ակտուալ կլինի, եթե մերժվի պաշտպանների առաջին միջնորդությունը քրեական գործը դադարեցնելու վերաբերյալ, քանի որ Միխայիլ Խաչատուրյանի սպանությունը տեղի է ունեցել ինքնապաշտպանության շրջանակում և երկար տարիների խոշտանգումներից հետո։

Մոսկվայում 2018 թ. հուլիսի 27-ին Քրիստինան, Անգելինան և Մարիան սպանել են իրենց հոր՝  57-ամյա Միխայիլ Խաչատուրյանին, դանակով հարվածելով պարանոցին և կրծքավանդակին։ Աղջիկները խոստովանել են իրենց կատարած հանցանքը և բացատրել, որ նա երկար ժամանակ իրենց բարոյական տառապանքներ է պատճառել։ 2018 թ. սեպտեմբերի 27-ին Մոսկվայի Բասմաննի դատարանը  փոխել էր  Խաչատուրյան երեք քույրերի խափանման միջոց կալանքը և ընտրել  որոշակի գործողություններ կատարելու արգելքի տեսքով խափանման միջոց։ Վերջնական մեղադրանք եզրակացությամբ, երեք քույրերին մեղադրանք է առաջադրվել նախնական համաձայնությամբ մի խումբ անձանց կողմից սպանության հոդվածով։