Ձեր վստահելի աղբյուրը

ԱՄՆ նախկին փոխնախագահ Ջո Բայդենը հայտարարել է, որ Դոնալդ Թրամփն ու Վլադիմիր Պուտինը չեն ցանկանում, որ ինքը դառնա ԱՄՆ նախագահ։ Այս մասին Բայդենը հայտարարել է MSNBC հեռուստաալիքով դեմոկրատական կուսակցության նախագահի թեկնածուների հեռուստաբանավեճի ժամանակ։Այս մասին գրում է interfax-ը։

«Ես իմացել եմ իմպիչմենտի այս լսումներից ինչ-որ բաներ․ այն, որ Դոնալդ Թրամփը չի ցանկանում, որ ես դառնամ թեկնածու։ Երկրորդ, ես հասկացա, որ Վլադիմիր Պուտինը չի ցանկանում, որ ես դառնամ նախագահ: Ուստի ես շատ բան սովորեցի այդ լսումներից», - ասել է Բայդենը՝ Թրամփի իմպիչմենտի լսումների մասին։

Միևնույն ժամանակ, նա հավելել է, որ ինքն այն թեկնածուն է, որը լավագույն հնարավորությունն ունի հաղթելու Թրամփին:

Նշվում է, որ դեմոկրատները նախագահի դեմ իմպիչմենտի գործընթացը սկսեցին 2019-ի սեպտեմբերի 24-ին, այն բանից հետո, երբ ամերիկացի ինֆորմատորը մտահոգություն հայտնեց այս տարվա հուլիսի 25-ին Թրամփի  ու Ուկրաինայի նախագահ Վլադիմիր Զելենսկու հեռախոսազրույցի հետ կապված, որի ընթացքում Թրամփը հորդորել էր Զելենսկուն հետաքննություն սկսել Ջո Բայդենի որդու՝ Հանթերի դեմ, որը Ուկրաինայում Բուրիսմա ընկերության ղեկավար կազմի մեջ էր։