Ձեր վստահելի աղբյուրը

Վենետիկը վերադառնում է սովորական կյանքի. քաղաքում ամեն օր  ավելի շատ զբոսաշրջիկներ են  հայտնվում, խանութներն ու ռեստորանները սպասում են իրենց  հաճախորդներին: Եվրանյուզի հաղորդմամբ, չնայած  քաղաքում ռեկորդային քանակի ջուր էր լցվել, «Լա Ֆենիչի» թատրոնը որոշել էր չհետաձգել Ջուզեպե Վերդիի «Դոն Կառլոս» օպերային ներկայացման առաջնախաղը:

Թատրոնի նկուղում ջուր է լցված եղել, պահանջվել է մի քանի օր, որպեսզի վերականգնվի էլեկտրալարերն ու հրշեջ ծառայությունը թույլատրել է անցկացնել առաջնախաղը:

Հիշեցնենք, որ ջրի բարձր ալիքները լվացել են Վենետիկի  զբոսաշրջային վայրերի 85 տոկոսը` պատճառելով հարյուրմիլիոնավոր եվրոյի վնասներ։ Ջրի մակարդակը հասել է ռեկորդային 187 սանտիմետրի: Հեղեղվել են խանութներ, շենքեր, ենթակառուցվածներք։ Ավելի քան 50 տարի առաջ՝ 1966-ին, քաղաքը կրկին  մեծ վնաս էր կրել  ջրհեղեղից. բազմաթիվ մարդիկ անտուն էին մնացել, մեծ վնաս էր հասցվել քաղաքի արվեստի գործերին։ Դրանից հետո ջարնցքները բարձրացվել էին մոտ 6 ոտնաչափ։
Քաղաքային իշխանությունները տեղի ունեցածը պայմանավորում են կլիմայական փոփոխություններով։