Ձեր վստահելի աղբյուրը

ՌԴ Դաշնային խորհրդի սոցիալական հարցերով հանձնաժողովի նախագահ  Վալերի Ռյազանսկին կարծում է, որ մշակույթի նախարարությունը պետք է մեխանիզմներ ունենա ազդելու այն արտիստների վրա, որոնք քննադատում են ռուսական իշխանությունների  գործողությունները, «բայց երբ անհրաժեշտ է գումար վաստակել, գալիս են»: news.mail.ru-ի հաղորդմաբ, նման կարծիք է հայտնել ուկրաինացի երգչուհի Սոֆյա Ռոտարուի՝  ռուսական բեմ վերադառնալու մասին որոշումից հետ:

«Իհարկե, ասում են, որ մշակույթն ու արվեստը քաղաքականությունից դուրս են, բայց կյանքում այդպես է: Նաև Ռուսաստանում հայտնի վրացի արտիստ Վախթանգ Կիկաբիձեն էր քննադատությամբ հանդես եկել Ռուսաստանի հասցեին»,- ասել է նա: 

Ռյազանսկին դեմ է սև ցուցակ ստեղծելուն:

«Նման ելույթներին լավագույն պատասխանը կլինեն համերգասրահում դատարկ տեղերը»,- հայտարարել է նա:

Նոյեմբերի 17-ին հաղորդվել էր, որ Ռոտարուն գալու է Մոսկվա մասնակցելու «Տարվա երգ» երաժշտական մրցանակաբաշխության նկարահանումներին, նաև ելույթ է ունենալու «Ռետրո FM լեգենդներ» փառատոնին: Բացի այդ, երգչուհին քննարկել է շարունակել ելույթ ունենալ նաև ամանորյա կորպորատիվներին:

2018 թվականին Ռոտարուն հրաժարվել էր ելույթ ունենալ Ռուսաստանում Ուկրաինայում մտցված ռազմական դրության պատճառով:  Որոշ տվյալներով, երգչուհին նման որոշում էր ընդունել, որպեսզի չթեժացներ իրավիճակը և չսադրել արմատական հայրենակիցներին: