Ձեր վստահելի աղբյուրը

Մեկնարկել է «Մանկական Եվրատեսիլ-2019» երգի միջազգային մրցույթի առցանց քվեարկությունը։ 

Բացառիկ հնարավորություն ունենք օգնելու մեր մասնակցին հաղթել մրցույթում։ Անցեք հղումով  և քվեարկեք մեր պատվիրակի Կարինա Իգնատյանի օգտին։ Քվեարկել կարող եք ՑԱՆԿԱՑԱԾ երկրից (նաև ԱՄՆ-ից) և ՏԱՐԲԵՐ սարքավորումներով (հեռախոս, պլանշետ, համակարգիչ)։ Իսկ ինչպես քվեարկել` դիտեք տեսանյութը։

Հիշեցնենք, որ նոյեմբերի 24-ին Լեհաստանում կայանալիք «Մանկական Եվրատեսիլ 2019» երգի մրցույթում Հայաստանի պատվիրակ Կարինա Իգնատյանը ելույթ կունենա 15-րդ համարի ներքո։ Մրցույթին մասնակցելու է 19 երկրի ներկայացուցիչ` Ավստրալիա, Ֆրանսիա, Ռուսաստան, Հյուսիսային Մակեդոնիա, Իսպանիա, Վրաստան, Բելառուս, Մալթա, Ուելս, Ղազախստան, Լեհաստան, Իռլանդիա, Ուկրաինա, Նիդեռլանդներ,Հայաստան, Պորտուգալիա Իտալիա, Ալբանիա, Սերբիա։

Կարինա Իգնատյանի «Colors of your dream» երգի խոսքերի հեղինակն Ավետ Բարսեղյանն ու Մարգարիտա Դորոշևիչն են, իսկ երաժշտության հեղինակը` ռուս կոմպոզիտոր Տարաս Դեմչուկը։