Ձեր վստահելի աղբյուրը

Երևանի ավագանու նիստում  «Լույս» խմբակցության անդամ Թեհմինա Վարդանյանը հորդորեց  քաղաքապետ Հայկ Մարությանին դադարեցնել մանիպուլյատիվ գործելաոճը:

«Երբ ես անհայտ ծագման անձին, ով առաջին անգամ էր նիստերի դահլիճում և  որևէ մեկս նրա անունը չգիտենիք, խոսքը գնում է Աղբահանության հիմնարկը ղեկավարող դեռևս ժ/պ անձի մասին, ես նրա անուն-ազգանունը չիմանալով, ուղղակի  ասացի ժ/պ, ինչը նշանակում է ժամանակավոր պաշտոնակատար, դուք մանիպուլյատիվ ոճով սկսեցիք ինձ մեղադրել, որ ես մարդուն վիրավորում եմ», - ասաց Թեհմինա Վարդանյանը։

Նա ընդգծեց, որ հանրությունը պետք է տեղեկանա՝ Հայկ Մարությանն այստեղ իրենց ասածները փորձում է մանիպուլյացիա անել ու այլ կոնտեքստով ներկայացնել։

«Պարոն քաղաքապետ, խնդրում եմ, դադարեցրեք այս մանիպուլյացիայի մշակույթը, մի սադրեք մեզ ու ժողովրդի աչքին լավ երևալու համար մի ասեք ՝ օյ, ընդդիմությունը մեկին ասեց ժ/պ, մեկին փորձում է վիրավորել։ Հերիք ա էլի, հերիք ա», - ասաց Թ. Վարդանյանը։

Հայկ Մարությանն արձագանեց. «Կարծում եմ՝ հանրությունը լավ հասկանում  է, ով ինչ է անում, իր գնահատականը տալիս է»:

Թեհմինա Վարդանյանն արեց այդ հայտարարությունը, երբ քննարկվում էր Երևանի ավագանու «Իմ քայլը» խմբակցության անդամ Արմեն Գալջյանին Երևան քաղաքի ավագանու իրավական հարցերի մշտական հանձնաժողովի նախագահի տեղակալ ընտրելու հարց:  Այս հարցը զեկուցելուց հետո  ԲՀԿ խմբակցության անդամ Հռիփսիմե Առաքելյանը հետաքրքրվեց, թե ինչպե՞ս են որոշել, որ պետք է Գալջյանը լինի տեղակալը, կարծում է, որ մեծամասնություն հանդիսացող  խմբացությունն ունի  իրավաբաններ, որոնք  ավելի  ներկայանալի են, ներկայացուցչական են, կոմունիկացիոն առումով ավելի հասանելի:

Զեկուցող Հասմիկ Խաչունցն ասաց, որ չնայած Գալջյանը երիտասարդ է, նա շատ մեծ գործ է անում իրենց խմբակցությունում, արդարացի է նրան հանձնաժողովի տեղակալ նշանակելը:

«Բավականին լավ թեկնածու է, նման հարցադրում, դիտարկումներ անելը անհնիմն են: Ի՞նչ է նշանակում ավելի ներկայանալի, կոմունիկացիոն ու հասանելի»,- ասաց Խաչունցը:

Հ. Առաքելյանն արձագանքեց. «Չգիտեմ, որտեղ եք տեսել ոչ կոռեկտ իմ արտահայտությունը»: