ՀՅԴ երիտասարդները սպասում են նախարար Արայիկ Հարությունյանին

Հասարակություն 15:31 03/12/2019 Հայաստան

ՀՅԴ երիտասարդները սպասում են նախարար Արայիկ Հարությունյանին

ՀՅԴ Հայաստանի երիտասարդական միության անդամները հավաքվել են կրթության, գիտության, մշակույթի և սպորտի նախարարության մոտ: Նրանք նախապես հայտարարել էին, որ այսօր ժամը 15:00-ին հավաքվելու են նախարարության մոտ՝ կրթության, գիտության, մշակույթի և սպորտի նախարար Արայիկ Հարությունյանի հետ հանդիպելու համար: Այսօրվա հավաքին ներկայացուցիչները հայտարարեցին, որ մինչ օրս նախարարության կողմից իրենց կոչին, հանդիպման հրավերին արձագանք չկա:

Նրանք կրկին ներկայացրեցին իրենց պահանջները, ապա նշեցին, որ կես ժամ են տալիս նախարարին, որպեսզի իջնի և հանդիպի իրենց հետ՝ քննարկելու կնճռոտ հարցերը, որոնք հիմնականում վերաբերում են նախարարության վարած քաղաքականությանը: Երիտասարդները հույս ունեն, որ նախարարը կիջնի:

«Կարծում ենք՝ ինչպես մենք ենք կառուցողական դաշտում, այնպես էլ նախարարությունը կգտվի կառուցողական դաշտում ու հանդիպումը տեղի կունենա: Հրապարակել ենք մեր օրակարգային վեց կետերը, որոնց շուրջ պատրաստ ենք նախարարության հետ հանդիպման և քննարկման: Վեցերորդ կետում կոնկրետ արտահայտված է՝ այս փոփոխությունների կարևորությունն անտեսող կամ ազգային օրակարգը հեգնող ցանկացած պաշտոնյա պետք է օր առաջ ազատվի զբաղեցրած պաշտոնից: Վստահ եմ, որ հանդիպումից հետո ավելի պարզ կլինի հետագա քայլերը: Նախարարի հրաժարականի պահանջը դեռևս օրակարգում է, մտավախություն ունենք որ իր վարած քաղաքականությունը իր մտածումների արդյունքն է»,- ասաց ՀՅԴ Հայաստանի երիտասարդական միության անդամները:

Հիշեցնենք, որ ՀՅԴ երիտասարդները օրեր շարունակ նստացույց էին անում նախարարության մեջ, այնուհետև նրանք հայտարարել էին, որ դադարեցնում են նստացույցը՝ սպասելով ԿԳՄՍ նախարար Արայիկ Հարությունյանի հետ հանդիպմանը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: