Ձեր վստահելի աղբյուրը

«Իրավապահները, իրավապաշտանները կտան այդ գնահատականները, իմ  ունեցած տեղեկություններով դա եղել է համաչափ, մնացածն արդեն համապատասխան մարմիններն՝ ըստ բողոքների ու հայտարարություների»,- լրագրողների հետ զրույցում ասաց կրթության, գիտության, մշակույթի և սպորտի նախարար Արայիկ Հարությունյանը՝ պատասխանելով հարցին, թե ինչպե՞ս կգնահատեք ոստիկանության գործողությունները նախօրեին իր հետ հանդիպում պահանջող ՀՅԴ երիտասարդների նկատմամբ:

Հարցին, թե ինչո՞ւ դուք երեկ չիջաք նրանց հետ հանդիպման, նախարարը պատասխանեց. «Շատ հստակ էր, և այսօր ՀՅԴ երիտասարդական կառույցի ներկայացուցչի պահվածքը ցույց տվեց, որ իրենց համար այդքան հետաքրքիր չեն քննարկումները, որքան այն պահվածքը, որ այսօր կար և քաղաքական որոշակի շահարկումները: Մենք ունեինք տեղեկություն, որ նման մի բան պետք է տեղի ուներ այդ հանդիպման ժամանակ, դրա համար մենք իրենց հրավիրել էինք այս հարթակներին»:

Նա նշեց, որ այլ թեմաներով էլ քննարկումներ լինելու են, քննարկումները բաց են:

«Սա կեղծ օրակարգ է, որոշակի քաղաքական ուժի վերակենդանացման  փորձեր են: Կարծում եմ՝  սրանք լավ փորձեր չեն ու լավ օրակարգ չէ իրենց համար»,- նշեց նա:

Ինչ վերաբերում է հարցին, թե երիտասարդների օրակարգում ձեր հրաժարականի հարցն է, միտք ունե՞ք, թե՞ ոչ, Ա. Հարությունյանը պատասխանեց. «Նման  հարց օրակարգում չկա»: