Ձեր վստահելի աղբյուրը

Ռուս զբոսաշրջիկները թվարկել են ամենահարմար երկրների ցանկը ՝ Նոր Տարին տոնելու առումով:  Այս մասին հայտնի է դարձել «OneTwoTrip»  ճամփորդական ընկերության անցկացրած հետազոտության արդյունքներից:

Հարցվածների կեսը, որպես կանոն, ամանորյա տոներին անցկացնելու համար ընտրում են  տաք երկրներ: Պարզվում է Թայլանդը  ամենատարածված վայրն է, որը  նախընտրում է  հարցվածների 27,4 տոկոսը: Նրանց խոսքով ՝ այս երկիրը «լիցքավորում է  դրական էներգիայով  և արևով»:

Ճանապարհորդասերների  շրջանում ոչ պակաս պահանջված  են  Իտալիան և Գերմանիան (յուրաքանչյուրը ինը տոկոս) : Այս երկրները գրավում են  անսովոր ավանդույթներով, տեղի բնակիչների տպավորություններով և ընկերասիրությամբ, այդ թվում  Եգիպտոսը՝ տաք կլիմայով և հիանալի եղանակով:

Միաժամանակ, մինչև  25 տարեկան երիտասարդները  ավելի հաճախ ընտրում են եվրոպական ուղղությունները հունվարյան ուղևորությունների համար `Պորտուգալիա, Ֆրանսիա, Չեխիա, ինչպես նաև Հայաստան:

Իսկ ահա  25- 40 տարեկան ճանապարհորդներին  ավելի շատ հետաքրքրում է  Թաիլանդը, Վիետնամը և Իտալիան:  40-ից 60 տարեկան զբոսաշրջիկներն էլ  հետաքրքրված են Թայլանդով, Գերմանիայով, Եգիպտոսով և Բելառուսով: Ավելի բարձր տարիքի՝ 60-ն անց ռուսաստանցիներին  հետաքրքրում է  Մեծ Բրիտանիան, Ավստրիան, Ֆրանսիան  և Չեխիան:

Բացի դրանից,  հարցման մասնակիցների կեսից ավելին (55.8%) նշել են, որ իրենց կյանքի ընթացքում  գոնե մեկ անգամ  Նոր տարին տոնել են արտասահմանում  և  գոհ են մնացել:

Մասնավորապես, նրանք տպավորել է այս կամ այն երկրի  հյուրընկալությունն ու  տոնական միջոցառումների բազմազանությունը:

Նաև նշվում է, որ ուսումնասիրությանը մասնակցել  են  1440 ծառայությունից  օգտվողներ: