Ձեր վստահելի աղբյուրը

«Ադեկվադ» կուսակցության հիմնադիր Արթուր Դանիելյանը համեմատել է Հայաստանի Արտաքին գործերի նախարար Զոհրաբ Մնացականյանի՝  Բրատիսլավայում ընթացող ԵԱՀԿ 26-րդ նախարարական համաժողովին ունեցած ելույթի հայերեն ու անգլերեն տարբերակներն ու հայտարարել՝ նախարարությունը կեղծել է պաշտոնական հայտարարությունը։

Ֆեյսբուքյան իր էջում Դանիելյանը գրել է.

«Իսկ հիմա դեսերտը՝ ՀՀ ԱԳՆ կեղծել է պաշտոնական հայտարարությունը: Հայերեն նրանք տվել են մի տեքստ որտեղ շատ ռազմահայրենասիրորեն նշում են, որ «Արցախն ունի իրեն և իր ժողովրդին պաշտպանելու լիարժեք կարողություն։ Հայաստանը շարունակում է մնալ Արցախի անվտանգության միակ երաշխավորը»: Իսկ անգլերեն տարբերակում, այսինքն օրիգինալում նման բառեր չկան: Հետևությունները թողնեմ ձեզ»։



Գրառմանն արձագանքել է ԱԳՆ խոսնակ Աննա Նաղդալյանը՝ կատարվածը ներկայացնելով վիրիպակ։

«Այսուհետ ՀՀ ԱԳՆ-ն պիտի միշտ երկու լեզվով հայտարարություններ տարածի` հպարտ հայրենասեր լեզվով` ներսի Պողոսների համար ու անհայրենիք լեզվով` դրսի համար»,-ավելի ուշ ֆեյսբուքյան իր էջում գրել է Արթուր Դանիելյանը։

ԱԳՆ-ն Մնացականյանի ելույթի հինգերերոդ կետը հրապարակել է այսպես.

«Հինգերորդ․ հիմնախնդրի խաղաղ կարգավորման գործընթացն այլընտրանք չունի։ Արցախն ունի իրեն և իր ժողովրդին պաշտպանելու լիարժեք կարողություն։ Հայաստանը շարունակում է մնալ Արցախի անվտանգության միակ երաշխավորը։ Խաղաղ կարգավորումը չի կարող ընթանալ լարվածության և ռիսկերի էսկալացիայի միջավայրում։ Հետևապես, Ադրբեջանի, Արցախի և Հայաստանի միջև 1994 և 1995թթ. զինադադարի համաձայնագրերը պետք է խստագույնս պահպանվեն և ամրապնդվեն։ Ռիսկերի նվազեցման մեխանիզմները պետք է ներդրվեն, այդ թվում հրադադարի խախտումները հետաքննող և հրադադարի ռեժիմի մոնիտորինգի ԵԱՀԿ մեխանիզմները, այդ թվում՝ ԵԱՀԿ գործող նախագահի անձնական ներկայացուցչի գրասենյակի կարողությունների ընդլայնման միջոցով»։

Խմբագրումից հետո այն բավականին կրճատվել է, ու ԱԳՆ պաշտոնական էջում  այս տեսքն է ստացել.


Թե ինչ է ասել իրականում նախարարը՝ տեսանյությում, որը հրապարակել է ԱԳՆ ֆեյսբուքյան պաշտոնական էջը։