Ձեր վստահելի աղբյուրը

ՀՀԿ փոխնախագահը Արմեն Աշոտյանը  հայտարարեց՝ հաստատում են ՀՀԿ ԳՄ տարածած հայտարարությունը, համարում են, որ նախկին նախագահ, ՀՀԿ փոխնախագահ Սերժ Սարգսյանի նկատմամաբ իրականացվում է քաղաքական հետապնդում։

«Առավել մանրամասն ուսումնասիրելով ՀՀ երրորդ նախագահ, ՀՀԿ նախագահ Սերժ Սարգսյանի նկատմամաբ առաջադրված մեղադրանքի իրավական հղումները, որոնք փորձ են իրավական փաթեթավորում տալ բացառապես քաղաքական գործընթացին  գալիս ենք հետևյալ եզրակացության.

Հիշո՞ւմ եք, Ռոբերտ Քոչարյանի նկատմամաբ հարուցված քրեական գործի շրջանակներում հայտնի հեռախոսազրույցի արտահոսքը, որտեղ իշխանավորները պնդում են և ասում են, որ Քոչարյանի նկատմամաբ գործը ջուր է։ Եթե  գնանք այս տրամաբանությամբ ու դիտարկենք Պլատոնի կողմից նկարագրված չորս էլեմենտները,  ապա եթե Քոչարյանի նկատմամբ հարուցված գործը ջուր է, ապա Սերժ Սարգսյանի նկատմամաբ հարուցված գործը օդ է»,-լրագրողների հետ ընթացող հանդիպմանը հայտարարեց ՀՀԿ փոխնախագահ Արմեն Աշոտյանը։

ՀՀԿ փոխնախագահն ասաց՝ անհամբեր կսպասեն պատմության դատին՝ տեսնելու, թե ում նկատմամբ հարուցված քրեական գործն ապագայում կլինի կրակ կամ հուր, ում նկատմամբ հարուցված քրեական գործը կլինի հող։

«Կարծում եմ՝ այդ հնարավորությունները մեր պատմությունն ունենալու է»,-նշեց բանախոսը։

Հիշեցնենք, որ ԳՄ հայտարության մեջ ասված է.

«Սերժ Սարգսյանին առաջադրած մեղադրանքը համարում ենք բացառապես քաղաքական հետապնդման աղաղակող դրսևորում:
Այս գործընթացի նպատակն է լռեցնել քաղաքական ընդդիմախոսներին՝ Հայաստանին և Արցախին սպառնացող վտանգների ֆոնին, այդ թվում՝ բանակցային գործընթացի շուրջ վերջին զարգացումների համատեքստում:
Նման բիրտ քայլերով իշխանությունները նպատակ ունեն նաև շեղել հայ ժողովրդի ուշադրությունը երկրում օրեցօր սրացող բազմաթիվ այլ խնդիրներից»։

Հատուկ քննչական ծառայությունում քննվող քրեական գործի նախաքննության ընթացքում ձեռք բերված բավարար ապացույցների համակցության հիման վրա ՀՀ նախկին նախագահ  Սերժ Սարգսյանին մեղադրանք է առաջադրվել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով նախատեսված հանրորեն վտանգավոր այն արարքի կատարման համար։ Սերժ Սարգսյանի նկատմամբ որպես խափանման միջոց է ընտրվել չհեռանալու մասին ստորագրությունը: