Ձեր վստահելի աղբյուրը

Լուսանկար 1․
Աղետից հետո․ տարեց կինը՝ տան փլատակների վրա, երկրաշարժի գոտու գյուղերից մեկում։
Լուսանկարի հեղինակը հայտնի չէ

Լուսանկար 2․
Օրեր շարունակ աղետյալները քնում, սնվում, ապրում և օգնության իրենց հերթին էին սպասում բաց երկնքի տակ։
Լուսանկարը՝ «Ֆոտոլուրի»

Լուսանկար 3․
Աշխարհի գրեթե ոչ մի ծայրում մարդկությունն անտարբեր չմնաց։ Հազարավոր փրկարարների, բարեգործների շարքում Հայաստանին օգնության հասան ԽՍՀՄ երկրները, որոնց կողմից աշխատանքները համակարգում էր ԽՍՀՄ մինիստրների խորհրդի նախագահ Նիկոլայ Ռիժկովը։ Նա հետագայում արժանացավ Հայաստանի ազգային հերոս բարձրագույն կոչման․ «Հայերը  զարմանալի պատմական հիշողություն ունեն։ Ես այդ ողբերգությունից հետո միայն երկու տարի եմ վարչապետ եղել։ Բայց անկախ իմ զբաղեցրած պաշտոնից` նրանք ինձ երբեք չեն մոռացել»։
Լուսանկարը՝ «armeniasputnik.am»-ից

Լուսանկար 4․
Երկրաշարժից միայն 13 տարի անց երկրի ղեկավարությունը պետական միջոցներից սկսեց ծրագրի լուծման համար հատկացումներ անել, նաև բանակցելով հայազգի բարերար Քըրք Քըրքորյանի հետ՝ սկսեց լայնամասշտաբ շինարարություն։ «Աղետի գոտու վերականգնումը երկար տարիներ ինձ համար դարձավ նախագահի պաշտոնում իմ գործունեության ոչ միայն ամենաառաջնահերթ խնդիրներից մեկը, այլ նաև պատվի գործ»,- նշել էր 1998-2008թթ․ Հայաստանի նախագահ Ռոբերտ Քոչարյանը:
Լուսանկարը՝ Մարտին Շահբազյանի

Լուսանկար 5․
Պետական բյուջեյի և «Լինսի» հիմնադրամի միջոցներով աննախադեպ բնակարանաշինություն մեկնարկեց։ Մի քանի տարում 3700 բնակարան կառուցվեց Գյումրիում, Սպիտակում և Վանաձորում։
Լուսանկարը՝ Մարտին Շահբազյանի

Լուսանկար 6․
Հայաստանի ազգային հերոս, աշխարհահռչակ շանսոնյե Շառլ Ազնավուրն առաջին օգնության հասնողներից էր և հետագա տարիներին էլ մշտապես ուշադրության կենտրոնում է պահել աղետի գոտու վերականգնման խնդիրները։
Լուսանկարը՝ Մարտին Շահբազյանի



Լուսանկար 7․
Ընդամենն օրեր առաջ տնակից նորակառույց տուն տեղափոխված կինը շնորհակալություն է հայտնում նախագահ Քոչարյանին։ «Ես հնարավոր ամեն ինչ արեցի, որպեսզի «աղետի գոտի» անվանումը չքանա կենցաղից: (…) Գյումրի և Սպիտակ քաղաքների «երկրորդ ծնունդը» նախագահության տարիների իմ ամենագլխավոր ձեռքբերումներից եմ համարում: Գիտեմ, որ կարող եմ այցելել այդ քաղաքներից յուրաքանչյուրը, հանգիստ շրջել փողոցներով ու նայել մարդկանց աչքերին, որովհետև արել եմ ինձնից կախված ամեն ինչ՝ նրանց կյանքը լավացնելու համար»,- ՀՀ երկրորդ Նախագահ Ռոբերտ Քոչարյանը իր «Կյանք և ազատություն» գրքում։
Լուսանկարը՝ ՀՀ երկրրդ նախագահի գրասենյակի արխիվից

Լուսանկար 8․
Հետագա տարիներին նույնպես Գյումրիում և աղետի գոտու գյուղերում շարունակվել է բնակարանաշինությունը և կյանքն աստիճանաբար բարելավվել է։
Լուսանկարը՝ Արմենպրեսի

Լուսանկար 9․
Հայաստանի վարչապետ Կարեն Կարապետյանի նախաձեռնությամբ 2016 թվականին մեկնարկեց Գյումրիի պատմական կենտրոնի վերականգնումը։ Ծրագիրը նպաստեց զբոսաշրջիկների մեծ հոսքին և տնտեսական աշխուժություն առաջացրեց Գյումրիում։
Լուսանկարը՝ ՀՀ կառավարության պաշտոնական կայքից

Լուսանկար 10․
Չնայած դեռևս մի քանի հարյուր ընտանիք շարունակվում են բնակվել տնակներում, Գյումրին ավելի շատ դարձել է գեղեցիկ ու հյուրընկալ քաղաք՝ լավատեսական սպասումներով։
Լուսանկարը՝ համացանցից