ՄԻԵԴ-ը որոշել է, որ Թուրքիան պետք է անհապաղ ազատ արձակեր Հայոց ցեղասպանությունը ճանաչած Օսման Քավալային

Իրավունք 13:51 10/12/2019 Տարածաշրջան

ՄԻԵԴ-ը որոշել է, որ Թուրքիան պետք է անհապաղ ազատ արձակեր Հայոց ցեղասպանությունը ճանաչած Օսման Քավալային

Մարդու իրավունքների եվրոպակա դատարանն այսօր հրապարակել է «Քավալան ընդդեմ Թուրքիայի» գործով վճիռը, որն արձանագրել է, որ կառավարությունը պետք է քայլեր ձեռնարկեր՝ դիմումատուի կալանքին վերջ դնելու ու նրան անհապաղ ազատ արձակելու համար։

ՄԻԵԴ-ը արձագագրել է Մարդու իրավունքների եվրոպական կոնվենցիայի 5-րդ հոդվածի 1-ին մասի (ազատության և անվտանգության իրավունք), 5-րդ հոդվածի 4-րդ կետի խախտումներ (կալանքի օրինականության վերաբերյալ արագ որոշում կայացնելու իրավունք), ինչպես նաև 18-րդ հոդվածի (իրավունքների սահմանափակումների օգտագործման սահմանափակում) խախտում, որը կատարվել է 5-րդ հոդվածի 1-ին մասի հետ միասին, և որ պատասխանող պետությունը պետք է ձեռնարկեր բոլոր միջոցները` վերջ տալու դիմումատուի կալանավորմանն ու ապահովեր նրա անհապաղ ազատումը:

Քավալան կալանավորվել է 2017թ.-ի հոկտեմբերի 18-ին։ Նա Ստամբուլի Գեզի զբոսայգու ցույցերից կալանավորված 16 մասնակիցներից մեկն է։ Վերոնշյալ 16 անձանց նկատմամբ, որոնց թվում են նաև Քավալան և թուրք հայտնի լրագրող Ջան Դունդարը, առաջադրվել են մի շարք մեղադրանքներ։

Անձամբ Քավալան մեղադրվում է «Թուրքիայի Հանրապետության կառավարությունը տապալելու փորձ անելու» մեջ։ Նա մասնակից է եղել Գեզիի զբոսայգում 2013թ.-ին տեղի ունեցած հակաիշխանական ցույցերին։

Նշենք, որ Օսման Քավալան Հայոց ցեղասպանությունը ճանաչած և դատապարտած գործիչներից է:

Հարակից հրապարակումներ`

Հասարակական կազմակերպությունները Թուրքիային կոչ են անում ազատ արձակել Օսման Քավալային

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: