Ձեր վստահելի աղբյուրը

Կառավարությունն այսօրվա նիստում կայացրեց համապատասխան որոշմամբ չորս գիշերօթիկ հաստատությունում խնամվող  6-ից 18 տարեկան 260 երեխայի, որոնք սոցիալապես անապահով ընտանիքներից են  օժանդակություն կցուցաբերվի։

Օժանդակության համար «Երեխաների գիշերօթիկ խնամքի ծառայություններ» միջոցառման տնտեսված գումարներից 280 հազար դրամը կուղղվի «Երեխաների շուրջօրյա խնամք և պաշտպանություն իրականացնող հաստատություններում խնամվող երեխաններին ընտանիքներ վերադարձնելու ծառայություններ (բեռնաթափում)» միջոցառմանը՝ նշված փաթեթները երեխաների խնամքի և պաշտպանության գիշերօթիկ հաստատություններ փոխադրելու նպատակով:

Աշխատանքի և սոցիալական հարցերի փոխնախարար Գեմաֆին Գասպարյանը հայտնեց, որ  2020 թվականից դադարեցնում են «Դիլիջանի  երեխաների խնամքի և պաշտպանության գիշերօթիկ հաստատություն», «Բյուրեղավանի երեխաների խնամքի և պաշտպանության գիշերօթիկ հաստատություն», «Գյումրու երեխաների խնամքի և պաշտպանության N 1 գիշերօթիկ հաստատություն», «Գյումրու Ֆրիտյոֆ Նանսենի անվան երեխաների խնամքի և պաշտպանության N 2 գիշերօթիկ հաստատություն» ՊՈԱԿ-ների միջոցով իրականացվող գիշերօթիկ խնամքի ծառայությունները:

Նրա խոսքով՝ 260 երեխաները, որոնք վերադառնում են իրենց կենսաբանական ընտանիքներ, բնաիրային օգնություն կտրամադրվի: Ննաիրային օգնության փաթեթը բաղկացած է էլեկտրաէներգիայի փոխհատուցման գումարներից, շահառու երեխաներին տրամադրվող  հագուստից, կոշիկից  և սննդի զամբյուղից: Սննդի զամբյուղը պարունակում է բրինձ, կարագ, բուսական յուղ, ձու, պանիր, շաքարավազ, կարտոֆիլ, միս, ալյուր:

Վարչապետ Նիկոլ Փաշինյանը նշեց՝ այն նյութական օգնությունը, որը նախկինում գնում էր գիշերօթիկ դպրոցներ և երեխաներին բաշխվում էր այդ դպրոցների միջոցով, իր ռիսկերով, հիմա ուղիղ այդ օգնությունը հատկացնում են երեխաների ընտանիքներին։