Ձեր վստահելի աղբյուրը

Wikileaks –ի հիմնադիր Ջուլիան Ասանժի կողմնակիցները կրկին շրջապատել են Լոնդոնում դատարանի շենքը, որպեղ պետք է կայանա նրա մասնակցությամբ դատական նիստ: Ռիա նովոստիի հաղորդմամբ, ավելի քան 30 կողմնակից դատարանի գլխավոր մուտքի մոտ բողոքի ակցիա են իրականացնում՝ կոչ անելով ազատել Ասանժին: Դատարանի մյուս կողմում, որտեղ մուտքի  դարպասներն են, նույնպես Ասանժի կողմնակիցներն են հավաքվել, նաև լրագրողներ կան, սպասում են Ասանժին՝ դատարան բերելուն:

Սպասվում է, որ Ասանժն անձամբ ներկա կլինի դատական նիստին, որի ընթացքում ցուցմունք կտա տուժածի կարգավիճակում՝ ԱՄՆ հետախուզության օգտին ենթադրյալ լրտեսության գործով, որը Լոնդոնում Էկվադորի դեսպանության շենքում իրականացրել է պահնորդական ընկերւթյունը:

Մեծ Բրիտանիայի ոստիկանությունը ապրիլի 11-ին ձերբակալել է Ջուլիան Ասանժին, որը վեց տարի ապրում էր Մեծ Բրիտանիայում Էկվադորի դեսպանատանը։ 2012-ի ամռանը Ասանժը ապաստան էր խնդրել Էկվադորի ԱԳՆ-ից, որպեսզի խուսափի Շվեդիա արտահանձնումից, որտեղ նա մեղադրվում է սեռական բնույթի հանցագործությունների մեջ, կամ ԱՄՆ, որտեղ նա կարող է բանտարկվել լրտեսության և գաղտնի տեղեկատվության  բացահայտման համար:  Մեծ Բրիտանիայում նա դատապարտվել է 11,5 ամսվա ազատազրկման գրավի դիմաց ազատ արձակվելու պայմանները խախտելու համար։ Արտահանձման հարցով լսումները սկսվել են մայիսի 2-ից: ԱՄՆ արտահանձման դեպքում նրան սպառնում է տարիների ազատազրկում: