Ձեր վստահելի աղբյուրը

Լիբանանի նախագահական պալատից նախօրեին ստացված հաղորդագրության համաձայն՝ Լիբանանի նախագահ Միշել Աունը կրթության նախկին նախարար Հասան Դիաբին նշանակել է երկրի հաջորդ վարչապետ:

Հասան Դիաբը, որին սատարում է «Հեզբոլլահ» -ը և նրա դաշնակիցները,  դարձավ վարչապետ խորհրդարանում  ստանալով 69 քվե։ 43 պատգամավորները ձռնպահ էին մնացել, իսկ 14-ն էլ ընտրել էին վարչապետի մյուս թեկնածու  Նավաֆ Սալամին, որին, ենթադրաբար, սատարում էր Վաշինգտոնը:

Ինչպես գրում է CNN-ը, Դիաբը, Բեյրութի ամերիկյան համալսարանի պրոֆեսոր է, սակայն քիչ հայտնի է որպես քաղաքական գործիչ՝ առանց քաղաքական պատկանելիության:

Սակայն նշվում է, որ այն փաստը, որ նրան սատարում է «Հեզբոլլահ» -ը՝ Իրանի կողմից աջակցություն ստացող զինյալներն ու քաղաքական խումբը, կարող է բարդացնել վճռական պահին Լիբանանին շատ անհրաժեշտ միջազգային օգնություն ապահովելու ջանքերը:

Հիշեցնենք, որ շաբաթներ շարունակ Լիբանանում բողոքի ցույցեր էին, որի արդյունքում հրաժարական տվեց երկրի վարչապետ Սաադ Հարիրին։