Ձեր վստահելի աղբյուրը

Ամերիկյան Facebook  ընկերությունը նախօրեին հայտարարել է Վրաստանից ավելի քան  60 «կասկածելի» հաշիվներ հեռացնելու մասին: Նրանք ներկայացել են որպես ԶԼՄ կամ քաղաքական գործիչ: Այս մասին գրում է Ռիա նովոստին:

«Մենք Ֆեյսբուքում հեռացրել ենք 39 հաշիվ, Ինսթագրամում  344 էջ, 13 խումբ և 22 հաշիվ, որոնք ստեղծվել են  Վրաստանում»,- հայտնել է ընկերության մամուլի ծառայությունը:

Նշվում է, որ այն մարդիկ, որոնք կանգնած են եղել դրանց հետևում, օգտագործել են  կեղծ հաշիվներ և կառավարել են էջերը, որոնք ներկայացվել են որպես լրատվական կազմակերպություններ, քաղաքական կուսակցություններ, հասարակական գործիչներ, ակտիվիստներ և լրատվամիջոցներ: Էջերի սեփականատերերն ու ադմինիստրատորները, որպես կանոն, տեղադրել են երկրի, քաղաքական խնդիրների, ընդդիմության քննադատության, տեղի ակտիվիստների կազմակերպութունների մասին լուրեր:

Հաղորդվում է նաև, որ երեկ Ֆեյսբուքում հեռացվել է 610 կասկածելի հաշիվ, 89 էջ, Ինսթագրամում՝ 72 հաշիվ, որոնք ստեղծված են եղել ԱՄՆ-ում և Վիետնամում: