Ձեր վստահելի աղբյուրը

«Լուսավոր Հայաստան» կուսակցությունը վերանայելու է մարզային ստորաբաժանումները, կառուցվածքայն հանձնաժղովները, «ծայրից ծայր թափ ենք տալիս»: Լուսավոր Հայաստան» կուսակցության հիմնադրման 4-ամյակին նվիրված միջոցառմանը լրագրողների հետ զրույցում ասաց կուսակցության նախագահ Էդմոն Մարուքյանը: Նրա խոսքով, արձանագրել են, որ այդ առումով որոշակի խնդիր ունեն, անպայման շտկելու են սխալը:

Հարցին, թե հեղափոխությանը հենց սկզբից չմասնակցելը ինչպե՞ս անդրադարձավ կուսակցության վարկանիշի վրա, Է. Մարուքյանը պատասխանեց. «Հեղափոխությանը չմասնակցելը, կարծում եմ, սխալ ձևակերպում է: Յուրաքանչյուր  մարդ իր ձևով է մասնակցել հեղափոխությանը: Եթե դա ազդեր մեր լինելության խնդրի վրա, մենք չէինք լինի»:

Պատասխանելով Երևանի ավագանիում ԼՀԿ-ի միակ անդամին` Դավիթ Խաժակյանին հետ կանչելու և ավագանիում նրա գործունեության շարունակության նպատակահարմարության վերաբերյալ հարցերին, մասնավորապես՝ արդյո՞ք կուսակցությունը պատրաստվում է կորցնել իր տեղը, ազդեցությունն ավագանիում, նա ասաց. «Կառավարման խորհուրդը որոշում կկայացնի, կիրազեկենք: Մենք ասել ենք՝ մենք քննարկում ենք մեր մասնակցության հարցի վերանայումը: Եթե որոշենք, չենք մասնակցում իր դեմքով, ուրեմն չենք մասնակցում, եթե որոշենք մասնակցում ենք, ուրեմն շարունակում ենք մասնակցել, կհայտարարենք՝ ինչպես:  Դավիթ Խաժակյանը մեզ համար գորոծունեության օրինակ է, թե ցանկացած երիտասարդ մարդ ինչպես կարող է մտնել քաղաքականություն: Դավիթ Խաժակյանի  հետ կապված կուսակցության ներսում որևէ խնդիր գոյություն չունի: Խնդիրը կապված է «Լույս» դաշինքի ուժերի հանրային ընկալման հետ, որ հանրային ընկալման մեջ այնպես է, որ դա մի ուժ է: Եվ այս ընկալման  քննարկման հարցն է, որ եթե մենք ընկալվում ենք, որ մի ուժ ենք  և դրա համար պատասխանատվություն ենք կրում, քննարկենք ոնց անենք, ձևաչափեր գտնենք: Մենք պետք է իմանանք, որ պատասխանատու ենք մեր կուսակցականի համար»:

Հարցին, թե Դավիթ Խաժակյանի կարծիքը հաշվի առնելո՞ւ եք, Էդմոն Մարուքյանը պատասխանեց. «Խաժակյանն է որոշում՝ լքի, թե ոչ, ինքը խնդիր ունի, ինքն է ասել խնդիր ունեմ: Ինքն ասում է՝ խնդիրը լուծվի, ես կմնամ: Ինքն է այդ խնդիրներին բախվում: Մենք օդիչ չենք  այդ հարցը բացել: Ուղիղ մեկ տարի քննարկվում է այդ հարցը:

Խաժակյանը պրոբլեմ ունի, որ իր գործունեության հետ չկապված իր ու իր կուսակցությանը քննադատում են: Եթե տեսնենք, որ չենք կարողանում այդ խնդիրը լուծել, ուրեմն պետք է  վերանայենք, չմասնակցենք: Եթե կարողանում ենք լուծել այդ խնդիրը… Մեր գործընկեր Արամ Սարգսյանն արդեն հայտարարել է, որ եկեք այնպես անենք, որ ամեն ուժ իր անդամի համար  պատասխան տա: Շատ լավ առաջարկ է, որը մենք քննարկում ենք»: