Ձեր վստահելի աղբյուրը

«Այսօր զանգ ստացա ՀՔԾ-ից, հրավիրվեցի վաղը ներկայացնելու բացատրություն:Ուսումնասիրվում են գործեր՝ պաշտոնական կեղծիքի և պաշտոնական լիազորությունների չարաշահման  մասով: Վաղը պետք է ներկայանամ»,-ֆեյսբուքյան իր էջում ուղիղ միացմամբ տեղեկացրել է «Լույս» խմբակցության ղեկավար Դավիթ Խաժակյանը:

Քաղաքապետարանի վարչական շենքում գտնվելով,  նա նաև  ուշագրավ տեղեկություն է հաղորդել՝ պաշտոնական լիազորություններն անցնելու և պաշտոնեական կեղծիքի մասին:

«Պաշտոնական լիազորություններին անցնելու վերաբերյալ քաղաքապետի որոշման համաձայն, լիազորությունները դրվել են  Հրաչյա Սարգսյանի, այնուհետև՝ Հայկ Սարգսյանի վրա: Սակայն Հրաչյա  Սարգսյանը  պետք է լիազորությունները վերապահի Հայկ  Սարգսյանին միայն  քաղաքապետի կարգադրությամբ և հանձնարարությամբ:

Ես դիմել էի, որ այդ վերապահման փաստաթուղթը տրամադրեն, բայց չտրամադրեցին: Ներքին զգայարանս հուշեց, որ չկան մնան փաստաթղթեր: Հիմա այս շենքում գտնվում են ՀՔԾ ներկայացուցիչները և որոշակի քննարկում է ընթանում, թե ինչպես է լուծվելու այս  հարցը: Երկու հնարավոր տարբերակ է մնում՝ կամ այսօր, այստեղ Հրաչյա Սարգսյանը պետք է ստեղծի այդ փաստաթուղթը հետին ամսաթվով և վերապահի Հայկ Սարգսյանին, կամ պետք է փոխվի քաղաքապետարանի կարգադրությունը, որը հրապարակված է, որ քաղաքապետը ինքն է այդ լիազորությունները  տալիս»,-ասաց Խաժակյանը: