Ձեր վստահելի աղբյուրը

Տոնական օրերին երևանյան մի շարք մշակութային օջախները շարունակել են բնականոն աշխատանքը՝ զբոսաշրջիկների այցելությունն ապահովելու նպատակով։ Այսօր և վաղը նույնպես  ժամը 12:00-17:00-ն բաց կլինեն հետևյալ  թանգարանները
◆ Ե. Չարենցի անվան գրականության և արվեստի թանգարան,
◆ Մարտիրոս Սարյանի տուն թանգարան,
◆ Կոմիտասի թանգարան-ինստիտուտ,
◆ Հովհաննես Թումանյանի թանգարան,
◆ Սերգեյ Փարաջանովի թանգարան,
◆ Երվանդ Քոչարի թանգարան,
◆ Ռուսական արվեստի թանգարան (պրոֆեսոր Արամ Աբրահամյանի հավաքածու),
◆ Հայաստանի պատմության թանգարան (մինչև ժամը 18:00),
◆ Հայաստանի ազգային պատկերասրահ (մինչև ժամը 18:00):

«Զվարթնոց» և «Գառնի» պատմամշակութային, նաև` «Մեծամոր» պատմահնագիտական արգելոց-թանգարանները նույնպես բաց են. աշխատանքային ժամերն են՝ «Գառնին»՝ ժամը 10:00-18:00-ն, «Զվարթնոցը» և«Մեծամորը»` ժամը 10:00-15:30-ը։

Տոնական օրերին ԿԳՄՍ նախարարության ենթակայության թատերահամերգային հաստատություններում  երեխաները կարող են դիտել Ամանորի ներկայացումներ:  

Այս օրերին աշխատելու են ոչ միայն մայրաքաղաքային, այլ նաև համայնքային թատրոնները՝  բացառապես կամավորության սկզբունքով: