Ձեր վստահելի աղբյուրը

Բլոգեր Տիգրան Քոչարյանի կարծիքով, Հայաստանում քաղաքական դիսկուրսը  «պլինտուսի» մակարդակից ցածր է, դրա մասին վկայում են ՀԺ-ում հրապարակված անանուն հոդվածն ու դրան հետևած արձագանքները։

«Իրոք, ուզում եմ շնորհավորել Վլադիմիր Կարապետյանին, որ նա պաշտոնազուրկ եղավ, քանի որ այդ ընտանիքի հետ աշխատել, ինձ թվում է գիշերային կոշմարներից է, ընտանիքի ամեն անդամ իրեն թույլ է տալիս ինչ-որ արտահայտություններ, գրառումներ, որոնք պետք է մեկնաբանվեն, հղկվեն, ֆեյքերով դզվի։ Այսինքն, մղձավանջից էդ մարդը պրծավ»,-լրագրողների հետ հանդիպմանը նշեց Քոչարյանը։

Նրա գնահամամբ, 2018-ի ապրիլից Հայաստանում կեղծ օրակարգ է ստեղծված, իսկ Հայաստանը հիմա շարժվում է ըստ դրա։

«Իրականությունից կտրված ենք ապրում, կեղծ մարդիկ, կեղծ օգտատերեր, որոնց կողմից դաշտ են նետվում ամեն ինչ, որպեսզի պղտոր ջրում ինչ-որ խնդիրներ կարողանան լուծել»,-ասաց նա՝ հասարակությանը հրամցվածը համարելով ընտանեկան սերիալի պես մի բան։

Հոգեբան Միհրան Մադաթյանի խոսքով էլ, ժամանկին մեծ փուչիկ է փչվել, որը պահելու անհրաժեշտություն կա։

«Փուչիկը փորձում են պահել նաև ընտանեկան սերիալով։ Մարիամիկը, որքան ես հիշում եմ, ֆեյսբուքից դուրս էր եկել։ Հիմա քանի որ մառախուղը ցրվում է, ու ժողովուրդն էլ սկսում է հասկանալ ու թմբիրից դուրս է գալիս, փուչիկն էլ պայթելու է»,-ասաց նա։

Քննարկման բանախոս բլոգերը կարծում է, որ Հայաստանի ամենալուրջ կառույցներից մեկը՝ ԱԱԾ-ն հեղինակազրկելու ու անլրջացնելու լուրջ միտում կա։

«Սկսած այն բանից, թե ինչ հանձնարարականներ են տրվում այդ կառույցին, ավելացրած տեղեկատվական ֆոնը։ Օրինակ, հանձնարարում են զբաղվել սատանայով, ավելին ԱԱԾ-ն է նույնիսկ պատասխանում։ Գնալ Հրայր Թովմասյանի հայրական տան տանիքը չափել և այլն, և այլն։ ԱԱԾ-ն մղվում է, ցավոք սրտի, մի դաշտ, որտեղ շատ դժվար կլինի դրական իմիջային կերպարը վերականգնել։ ԱԱԾ ներկայիս ղեկավարությունը պետք է մտածի, թե ինչ կառույց է թողնելու հետագա սերունդներին։ Սա շատ վտանգավոր միտում է»,-կարծիք հայտնեց նա։