Ձեր վստահելի աղբյուրը

Դատարանը քննարկում է Մանվել Գրիգորյանի խափանման միջոցը փոխելու  միջնորդության հարցը
Երեւան քաղաքի ընդհանուր իրավասության դատարանում, դատավոր Մնացական Մարտիրոսյանի նախագահությամբ   արտահերթ դատական նիստ է գումարվել ՝ԵԿՄ վարչության նախկին նախագահ, գեներալ Մանվել Գրիգորյանի խափանման միջոցը  փոփոխելու համար: Պատճառը ՝  Գրիգորյանի ծանր  վիճակն է:

Հիշեցնենք, որ Մանվել Գրիգորյանը երեկվանից գտնվում է «Նաիրի» ԲԿ-ում։ Ըստ պաշտպանների՝ նրա վիճակը ծանր է, նրան միացված է արհեստական շնչառության սարք։

Գրիգորյանի պաշտպանի ներկայացմամբ ՝ սրտի ռիթմի պարաքսիզմով բարդացում  է արձանագրվել, որը կյանքի համար սպառնալիք է: Այսինքն՝ Մանվել Գրիգորյանի առողջական վիճակի վատթարացում է նկատվել՝ սրտի ռիթմի և հաղորդակցության  խանգարումներ կան:
Առողջական վիճակով պայմանավորված դատական նիստերին չի կարող մասնակցել:
Խափանման միջոցը վերանայելու  միջնորդություն ներկայացվեց: Դատարանը քննարկում է միջնորդության հարցը և որոշումը կհրապարակվի  ժամը 20.30-ին:

Լրագրողներին հետ զրույցում Մ. Գրիգորյանի կինը՝ Նազիկ Ամիրյանը  կարծիք հայտնեց, որ  վատ է վերաբերվում դատախազության միջնորդությանը և համարում է  ձևականություն: «Մի կողմից միջնորդություն է ներկայացվում, մյուս կողմից էլ առաջարկվում է այնպիսի միջոց կիրառել, որ հնարավորություն չունենա երկիրը լքելու»,- ասաց Ամիրյանը: 

«Անձը գտնվում է վերակենդանացման բաժանմանմունքում և խնդիր ունի վերականգնվելու: Այս պահի դրությամբ դրական դինամիկա չկա, անձը տառապում է  30-ից ավելի հիվանդություններով: Հետևաբար կալանքի միջոցը փոխելը ուղղակի անհրաժեշտություն է»,-հավելեց  պաշտպան Լևոն Բաղդասարյանը: