Ձեր վստահելի աղբյուրը

«Ծննդատները ոչ մի առնչություն չունեն որդեգրման հետ»,- դատարանում լրագրողների հետ զրույցում ասաց «Վերարտադրողական առողջության պերինատոլոգիայի, մանկաբարձության և գինեկոլոգիայի» հանրապետական ինստիտուտի նախկին տնօրեն, երեխաների ապօրինի որդեգրման գործով մեղադրյալ Ռազմիկ Աբրահամյանը:

Պատասխանելով լրագրողի հարցին, թե ծնողները պատմում են, որ հենց ծննդատներում է տեղի ունեցել…, նա նշեց. «Ծնողները շատ բան են պատմում: Նրանք սուտ ու սխալ, կեղծ, հավաքածու անդամներ են: Ծննդատները ոչ մի առնչություն չունեն»:

Հերքո՞ւմ եք, որ երեխաների առքուվաճառքով եք զբաղվել հարցին ի պատասխան, Ռազմիկ Աբրահամյանն ասաց. «Խնդրում եմ ավելորդ հարցեր չտաք»:

Ռազմիկ Աբրահամյանին մեղադրանք է առաջադրվել ՀՀ քրեական օրենսգրքի 167-րդ հոդվածի (Ծնողներից երեխային ապօրինի բաժանելը կամ երեխային փոխելը) 2-րդ մասի 2-րդ կետով և 200 հոդվածի (Առևտրային կաշառքը) 3-րդ կետով:
Նա ազատության մեջ է Երևանի ընդհանուր իրավասության դատարանը, դատավոր Դավիթ Բալայանի նախագահությամբ,  մերժել էր  նախաքննության մարմնի կալանքի միջնորդությունը:Դատախազությունը վերաքննիչ բողոք է ներկայացրել Ռ. Աբրահամյանի նկատմամբ կալանքը որպես խափանման միջոց ընտրելու միջնորդությունը մերժելու վերաբերյալ Ընդհանուր իրավասության առաջին ատյանի դատարանի որոշման դեմ: