Ձեր վստահելի աղբյուրը

Փաստաբան Ամրամ  Մակինյանը դատական նիստի ավարտից հետո ներկայացրեց   ՊԵԿ Ներքին անվտանգության վարչության պետ Կարեն Խաչատրյանի գործով դատական որոշումը:Նրա փոխանցմամբ ՝  կալանքը երկարաձգվել է երկու ամսով և գրավի վճարման դեպքում  Կարեն Խաչատրյանը ազատ կարձակվի:

«Դատարանը հրապարակեց որոշումը. երկարացվեց Կարեն Խաչատրյանի կալանքի ժամկետը: Միևնույն ժամանակ դատարանը գտնվեց բարձրունքի վրա և Կարեն Խաչատրյանը գրավի գումարը վճարելուց հետո կարող է ազատ արձակվել: Իրականում դատարանը համարձակ և օրինական որոշում կայացրեց,քանի որ Կարեն Խաչատրյանին չկային կալանքի տակ պահելու հիմքեր: Նա հինգ ամիս է գտնվում է կալանքի տակ: Գրավի չափը կազմում է  20 մլն դրամ: Դատարանը գտել է, որ ողջամիտը քսան մլն դրամն է»,-լրագրողներին ասել է փաստաբանը:

Անդրադառնալով  այն լուրին, որ  Հատուկ քննչական ծառայությունն սկսել է գաղտնալսել Հրայր Թովմասյանի հեռախոսը,  Մակինյանն ասաց, որ բացասաբար է վերաբերվում դրան, քանի որ   լրացուցիչ անգամ սահմանադրությամբ անձեռնամխելիությամբ  օժտված անձի իրավունքների խախտում է:

«Դեռևս քննարկում ենք, թե ինչպես ենք արձագանքելու, բայց, անպայման, արձագանքելու ենք մամուլի այդ տեղեկություններին։ Եթե վերացականորեն ընդունենք, որ այդ գործողությունն իրականում կատարվել է, դա փակ ռեժիմով է կատարվում, պաշտպանական կողմն իհարկե մասնակից չի լինում այդ դատական նիստին, ես էլ ձեզ նման տեղեկացել եմ լրատվամիջոցներից»,- հայտնեց Ամրամ Մակինյանը: