Ձեր վստահելի աղբյուրը

Փաստաբան, ԱԺ աշխատակազմի ղեկավարի նախկին տեղակալ Արսեն Բաբայանը քրեադատավարական առումով անիմաստ է համարում ՍԴ նախագահ Հրայր Թովմասյանի բնակարանում ՀՔԾ կողմից իրականացվող խուզարկությունը։

«Ըստ մեղադրանքի, վաղուց տեղի ունեցած քրգործի շրջանակում քրեադատավարական առումով, իմ համոզմամբ, խուզարկության իմաստ գոյություն չունի»,-Թովմասյանի բնակարանի մոտ հավաքված լրագրողների հետ զրույցում ասաց Բաբայանը։

Նա ենթադրում է, որ խուզարկությունը կատարվում է նոտարների գործի շրջանակում, քանի որ միայն այդ գործով է, որ Թովմասյանը ներգրավված է որպես մեղադրյալ։

«Իսկ եթե ՍԴ նախագահի, դատավորի, անձեռմխելիության ունեցող անձի նկատմամբ իրականացվում են քրեական հետապնդումներ, ապա այդ դեպքում մենք խնդիր ունենք օրենքի խախտման հետ»,-ասաց փաստաբանը։

Նա հայտարարեց, եկել է այստեղ, որպեսզի հենց տեղում հասկանա, թե ինչ է կատարվում։ Բաբայանի խոսքով, քննչական մարմինը թույլ է տալիս ապօրինություններ։

«Կարծում եմ, այդ գործողություններով կեղծ օրակարգ ստեղծելու խնդիր կա»,-կարծիք հայտնեց Բաբայանը։