Ձեր վստահելի աղբյուրը

Կալիֆոռնիայում ուղղաթիռի վթարի հետևանքով մահացել է Բասկետբոլի ազգային ասոցիացիայի հնգակի չեմպիոն Կոբի Բրայանթը։ Այս մասին գրում է ria.ru-ն։

Բրայանտի հետ միասին վթարի զոհ են դարձել ևս չորս մարդ, այդ թվում՝ նրա 13-ամյա դուստրը՝ Ջիաննա Մարիա Հոնոր-Բրայանթը, ով մարզիկին ուղեկցել է հարևան քաղաքում գտնվող Մամբբա ակադեմիայում մարզվելու ընթացքում։

Աշխարհն  արձագանքում է կատարվածին. «Սարսափելի նորություն»

ԱՄՆ նախագահ Դոնալդ Թրամփը NBA չեմպիոնի մահը որակել է «սարսափելի նորություն»։

Լոս Անջելեսի քաղաքապետ Էրիկ Գարսեթին հանդես է եկել հայտարարությամբ՝ խորին ցավակցություն հայտնելով NBA աստղի մահվան կապակցությամբ:

Բրայանթի մահը իսկական ողբերգություն է, սա լուրջ կորուստ է բասկետբոլի համար: Այս մասին հայտնել են Ռուսաստանի բասկետբոլի ֆեդերացիայի նախագահ, Ռուսաստանի հավաքականի և NBA ակումբների նախկին խաղացող Յուտա Ջազը, Մինեսոտա Թիմբերվոլվսը և Բրուքլին Նեթսը Անդրեյ Կիրիլենկոն:

Ռուս բասկետբոլիստ, աշխարհի առաջնությունների կրկնակի արծաթե մեդալակիր Վիտալի Նոսովը նույնպես ցավակցություն է հայտնել Բրայանթի մահվան կապակցությամբ:

Շնորհակալություն, Բրայա՛նթ

NBA վեցակի չեմպիոն Մայքլ Ջորդանը, ֆուտբոլիստներ Լիոնել Մեսսին և Կրիշտիանու Ռոնալդուն, թենիսիստ Ռաֆայել Նադալը և շատ այլ հայտնի մարզիկներ ցավակցություն են հայտնել։

«Բառերը չեն կարող նկարագրել այն ցավը, որը ես զգում եմ: Ես սիրում էի Կոբին, նա ինձ համար փոքր եղբոր պես էր: Մենք հաճախ էինք խոսում, և ես շատ կկարոտեմ այդ խոսակցությունները: Նա ուժեղ մրցակից էր և ամենամեծ խաղացողներից մեկը», - ասել է Ջորդանը։

«Ես արթնացա, երբ լսեցի աշխարհի ամենամեծ մարզիկներից մեկի ողբերգական մահվան սարսափելի լուրը: Ես ցնցված եմ», - «Թվիթեր» միկրոբլոգում գրել է Նադալը։

«Կոբին իսկական լեգենդ էր, շատերի համար ոգեշնչման աղբյուր: Ես ցավակցում եմ նրա ընտանիքին և ընկերներին, ինչպես նաև բոլոր նրանց ընտանիքներին, ովքեր զոհվել են այս վթարի արդյունքում», - «Ինստագրամյան» իր էջում գրել է Ռոնալդոն։

«Նրա հետ ժամանակ անցկացնելը հաճույք էր ինձ համար: Իսկական հանճարը  լքեց մեզ»,- «Ինստագրամյան» իր էջում գրել է Մեսսին:

Կոբի Բրայանթը Միացյալ Նահանգների ամենատիտղոսակիր բասկետբոլիստներից մեկն է: 20 մրցաշրջան խաղացել է «Լոս Անջելես Լեյքերսի» բասկետբոլի ազգային լիգայի թիմի կազմում: Նա դարձել է ամենաերիտասարդ խաղացողը, ով վաստակեց 30 հազար միավոր: Որպես ԱՄՆ-ի թիմի ներկայացուցիչ, նա 2008 և 2012 թվականներին 2 անգամ նվաճել է Օլիմպիական խաղերի ոսկին: Կարիերան բասկետբոլում Բրայանթն ավարտել է 2016 թվականին։