Ձեր վստահելի աղբյուրը

ՎԵՏՕ նախաձեռնության հիմնադիր Նարեկ Մալյանը, ում երեk դիմակավորված իրավապահները գետնին գցելով տեղափոխեցին ոստիկանության 6-րդ վարչություն ապօրինի զենք պահելու կասկածով, կարծում է, որ Հայաստանում իշխանական հիստերիաները հետաքրքիր փուլ են թևակոխել, հայտնվել են ծիծաղելի վիճակում։

Ֆեյսբուքյան ուղիղ եթերում նա հայտարարեց, իշխանությունն այլևս իմաստ չի տեսնում իր ապօրինի գործողությունները քողարկի «ժողովրդավարություն» կամ նման բառերով։

«Նրանք այլ ելք չունեն, այդ գործողություններն իրենց զինանոցի վերջին զենքներն են, խառնվել են իրար, խուճապահար հանել են դեմոկրատի դիմակներն ու ինչքան հիմարություն կա հերթով անում են»,-ասաց Մալյանը։

Նա որպես հերթական ապօրինություն ներկայացրեց Դավիթ Սանասարյանի հետ պատահածը, հիշեցրեց՝  Դավիթ Սանասարյանը վրաերթի է ենթարկել մի երեխայի, ապա հերքել։

«Հիմա փաստերով ապացուցված է, նաև դատաբժշկի եզրակացությամբ, որ այդ երեխան ստացել է մարմնական վնասվածք։ Ապացուցված է, որ այդ վրաերթը տեղի է  ունեցել, Դավիթ Սանասարյանը ստում էր»,-հայտարարեց Մալյանը՝ հիշեցնելով, որ Սանասարյանն իր կողմից վրաերթի ենթարկված երեխայի մորը մեղադրում էր շորթման համար։

Նա նշեց, այսօր ստացել է տեղեկատվություն,  որ այդ դեպքը որակել են դժբախտ պատահար։

«Բա հո չէր գնալու նստեր Դավիթ Սանասարյանը, ինքը հեղափոխության սիմվոլներից է»,-նշեց Մալյանը։

Մանրամասները՝ տեսանյութում։