Ձեր վստահելի աղբյուրը

Եթե պարզվի, որ ՍԴ անդամ Վահե Գրիգորյանը խախտել է օրենքը, պատասխանատվություն պետք է կրի: Լրագրողների հետ զրույցում ասաց ԱԺ փոխնախագահ Ալեն Սիմոնյանը՝ պատասխանելով հարցին, թե տեղյա՞կ եք, որ Վահե Գրիգորյանը  չի մասնակցում ՍԴ նիստերին:

Նրա կարծիքով, աշխատանքի գնալ-չգնալու,  իրավական լինել-չլինելու հարցը ներքին կանոնադարությամբ լուծվում է:

Հարցին՝ կարող է Սահմանադրական դատարանը նրա պաշտոնանակության վերաբերյալ նախաձեռնություն ուղարկի ԱԺ, այդ դեպքում եթե տեսնեք խախտվել է օրենքը, ո՞րն է լինելու ձեր քայլերը, ԱԺ փոխնախագահն ասաց. «Թող ուղարկի։ Միանշանակ, եթե օրենքը խախտվել է, ՍԴ նիստերին չի մասնակցել, պետք է պատասխանատվություն կրի։ Երկրորդ կարծիք չի կարող լինել։ Ինչի՞ ձեզ թվում էր, եթե Վահե Գրիգորյանն է, և մենք ենք նրան ընտրել, օրենք խախտի, պետք է ասենք՝ ըտենց ա՞։ Իհարկե, ոչ։ Եթե օրենք է խախտվել, եթե պարզենք օրենք է խախտվել՝ ի՞նչ տարբերություն՝ Վահե Գրգորյա՞նն է, ե՞ս եմ, թե՞ Հրայր Թովմասյանը», - ասաց նա։

Հիշեցնենք, որ այսօր Սահմանադրական դատարանի նախագահ Հրայր Թովմասյանի նախագահությամբ տեղի է ունեցել ՍԴ նիստ: ՍԴ աշխատակազմի ղեկավար Էդգար Ղազարյանը ֆեյսբուքյան իր էջում նաև տեղեկացրել է, որ ՍԴ նիստին անհարգելի պատճառով չի մասնակցել միայն յոթերորդ գումարման ՀՀ Ազգային ժողովի կողմից ընտրված ՍԴ դատավոր Վահե Գրիգորյանը։